21:31, 24 - قاراشا 2020 | GMT +6
كوروناۆيرۋس جۇقتىرعان قازاقستاندىق ازامات بىرىككە اراب امىرلىكتەرىنەن ۇشىپ كەلگەن
نۇر- سۇلتان. قازاقپارات - 2020 -جىلعى 23-قاراشادا قازاقستانعا تۇركيا، بەلارۋس، ب ا ءا، رەسەي مەن گەرمانيادان 10 ۇشاق ۇشىپ كەلدى، دەپ حابارلايدى قازاقپارات ۆەدومستۆوارالىق كوميسسيانىڭ telegram كانالىنا سىلتەمە جاساپ.
اتالعان حالىقارالىق رەيستەرمەن قازاقستانعا 940 جولاۋشى ۇشىپ كەلگەن. ولاردىڭ ىشىندە 853 دە پ ت ر- تەست انىقتاماسى بولعان. انىقتاماسى بولماعان 86 جولاۋشى كارانتيندىك ستاتسيونارعا جاتقىزىلعان. اتاپ ايتقاندا پ ت ر- تەست انىقتاماسى جوق نۇر- سۇلتانعا 41، الماتىاعا 27، اقتاۋعا 20 جولاۋشى جەتكەن.
«وسى 86 ازاماتتىڭ بارىنەن كوروناۆيرۋس تابىلعان جوق. الايدا بىرىككە اراب امىرلىكتەرىنەن كەلگەن ءبىر جولاۋشىنىڭ ول ەلدەن تەستىڭ وڭ ناتيجەسىمەن كەلگەنى انىقتالدى. ناقتىراق ايتقاندا تەستىلەۋدىڭ قورىتىندىسى وعان ساپار بارىسىندا ەلەكتروندى پوشتا ارقىلى جەتكەن. جولاۋشى بىردەن وقشاۋلاندىرىلىپ، اۋەجايعا جەدەل جاردەم جەتتى»، - دەلىنگەن دەپارتامەنتتىڭ حابارلاماسىندا.