21:21, 24 - قاراشا 2020 | GMT +6
جەلتوقساندا ورتاعاسىردان بەرى بولماعان استرونوميالىق وقيعا قايتالانادى
نۇر-سۇلتان. قازاقپارات - 2020 -جىلى 21- جەلتوقساندا كۇن باتقاننان كەيىن يۋپيتەر مەن ساتۋرن 800 جىلدان كەيىن العاش رەت ءبىر- بىرىنە مينيمال قاشىقتىقتا جاقىندايدى.
ەكى الىپ پلانەتا ءار 20 جىلدا ءبىر- بىرىنە جاقىندايدى. ءبىراق ولار ءبىر- بىرىنە مينيمال قاشىقتىقتا وتە سيرەك جاقىندايدى. مۇنداي قۇبىلىس سوڭعى رەت 1226 -جىلى 4- ناۋرىزدا بولعان. 16-25 - جەلتوقساندا يۋپيتەر مەن ساتۋرن جەردەن قاراعاندا ەگىز پلانەتا سياقتى بولىپ كورىنەدى.
بۇل قۇبىلىستى ەكۆاتوردان جاقسىراق باقىلاۋعا بولادى. ءبىراق اۋا- رايى اشىق بولسا ونى الەمنىڭ كەز كەلگەن بۇرىشىنان بايقاۋعا بولادى. پلانەتالار اسپاننىڭ باتىسىندا كۇن باتقاننان كەيىن ءبىر ساعاتتان كەيىن پايدا بولا باستايدى.
ساراپشىلار «كەلەسى جولى پلانەتالار ءبىر- بىرىنە 2080 -جىلى 15- ناۋرىزدا، سودان كەيىن تەك 2400 -جىلى مينيمال قاشىقتىقتا جاقىندايدى» دەيدى.
massaget.kz