قازاقستاندىق حيرۋرگتار العاش رەت ميدىڭ گەماتوماسىن ترەپانتسياسىز الىپ تاستادى

بىرەگەي وپەراتسيا الماتىداعى №7 قالالىق كلينيكالىق اۋرۋحانانىڭ قانتامىر نەيروحيرۋرگيا بولىمىندە گەمورراگيالىق ءتيپتى ءينسۋلتتى ەمدەۋدە ءازينۆازيۆتى Artemis(Penumbra) جۇيەسىن قولدانا وتىرىپ ەندوسكوپيالىق جولمەن جانە BrainLab نەيروناۆيگاتسيالىق جۇيەنىڭ كومەگىمەن جاسالدى. نەيروحيرۋرگ قاستەي راۋان مەيرام ۇلىنىڭ ايتۋىنشا، مۇنداي ءادىس وپەراتسيا كەزىندە كوپ كولەمدە قان جوعالتۋدى ازايتادى.

«بۇل وپەراتسيانىڭ بىرەگەيلىگى باستاعى گەماتومانى كۇردەلى وپەراتسياسىز، كىشكەنە تەسىك ارقىلى الىپ تاستاۋعا بولادى. ياعني، اۋقىمدى باسسۇيەك ترەپاناتسياسىنسىز جاساۋعا مۇمكىندىك بەرەدى. بۇل اتالعان وتانىڭ تۇرىنە كورسەتكىشتەر ءار پاتسيەنتكە جەكە جانە قاتاڭ تۇردە قاراستىرىلادى»، - دەيدى راۋان قاستەي.

سونىمەن قاتار، ول مۇنداي وپەراتسيالار ەۋروپا، ا ق ش، يتاليا جانە يسپانيا ەلدەرىندە جاسالاتىنىن تىلگە تيەك ەتتى.

«اتالعان وپەراتسيا بىزدە العاش رەت سوناۋ پوستكەڭىستىك كەزىندە جاسالعان بولاتىن. بۇل ءادىستىڭ تيىمدىلىگىن ا ق ش- تا دالەلدەندى. ارنايى زەرتتەۋلەر بار. بۇگىنگى كۇنى الماتىدا Artemis(Penumbra) جۇي̆ەسىن قولدانا وتىرىپ ەندوسكوپيالىق جولمەن جانە BrainLab نەيروناۆيگاتسيالىق جۇيەنىڭ كومەگىمەن ەكى وتا جاسالدى»، - دەپ قورتىندىلادى №7 قالالىق كلينيكالىق اۋرۋحانانىڭ قانتامىر نەيروحيرۋرگيا ءبولىمىنىڭ مەڭگەرۋشىسى راۋان قاستەي.