شۋچينسكىدە شاڭعى جارىسىنان قازاقستان چەمپيوناتى وتەدى
تۋرنير حالىقارالىق شاڭعى سپورتى فەدەراتسياسىنىڭ مۇرىندىق بولۋىمەن ۇيىمداستىرىلادى، دەپ حابارلايدى قازاقپارات.
كوماندا باس باپكەرى الەكساندر باتيايكيننىڭ ايتۋىنشا، چەمپيوناتقا ەلىمىزدىڭ توعىز وڭىرىنەن سپورتشىلار قاتىسادى. سونداي- اق، ۇلتتىق قۇراما مۇشەلەرى دە بىرىنشىلىكتە تۇگەل باق سىنايدى.
«پاندەمياعا بايلانىستى ءبىز ءبىرازدان بەرى وقۋ- جاتتىعۋ جيىنىن وتكىزە الماعان ەدىك. تۇمەن قالاسىندا جاساندى قاردا جاتتىعامىز دەگەن جوسپارىمىز دا ورىندالماي قالدى. دەسە دە، 19-قازاننان باستاپ سپورتشىلار دايىندىقتى باستادى. چەمپيوناتتا شاڭعى سپورتى جولعا قويىلعان ەلىمىزدەگى توعىز وڭىردەن سپورتشىلار باق سىنايدى. بارلىق سانيتارلىق- ەپيدەميولوگيالىق تالاپتاردى تولىعىمەن ساقتايمىز. جارىس كورەرمەندەردىڭ قاتىسۋىنسىز وتەدى جانە ءجۇز سپورتشىدان ارتىق جينالۋعا رۇقسات جوق. ءبىرىنشى تۋر اياقتالعان سوڭ جاتتىعۋ قايتادان جالعاسىپ، جاڭا جىلعا دەيىن ەكىنشى اينالىمدى دا ۇيىمداستىرامىز»، - ديدى باس باپكەر.