كورناۆيرۋس ەلىمىزدىڭ وتىن- ەنەرگەتيكا كەشەنىنە قالاي اسەر ەتتى

«الەمدى جايلاعان كوروناۆيرۋس ىندەتىنىڭ وتىن- ەنەرگەتيكا كەشەنىنە اسەرى جونىندە توقتالماقپىن. بۇل ىندەت ءبىزدىڭ سالاعا دا كەرى اسەرىن تيگىزدى. وسى سالاداعى 10700 ادام كوروناۆيرۋسقا شالدىعىپ، 9529 ادام ساۋىعىپ كەتتى. قازىرگى كەزدە قالعاندارى ەمدەلىپ جاتىر»، - دەدى مينيستر ورتالىق كوممۋنيكاتسيالار قىزمەتىندە.

تاراتىلعان مالىمەتكە قاراعاندا، مۇناي- گاز سالاسىندا قىزمەت ەتەتىن 9123 ادام، ۋران سالاسىندا - 990 ادام، ەنەرگەتيكا باعىتىندا 682 ادام ىندەت جۇقتىرعان. وسى ورايدا ول ۇكىمەت باسشىسىنىڭ تاپسىرماسى بويىنشا مينيسترلىكتە ارنايى شتاب قۇرىلعانىن، وندا بۇل سالاداعى بارلىق كومپانيالارداعى كۇندەلىكتى اقپاراتقا سايكەس قاجەتتى شەشىمدەر قابىلدانعانىن جەتكىزدى.

«مەملەكەت باسشىسىنىڭ بەرگەن تاپسىرماسى اياسىندا مەملەكەتتىك كوميسسيانىڭ قابىلداعان شەشىمدەرىن ورىنداي وتىرىپ، ءوز تاراپىمىزدان وتىن- ەنەرگەتيكا كەشەنىنىڭ تۇراقتى جۇمىسىن جالعاستىرۋعا، ازاماتتاردىڭ جۇمىستاپ شىعىپ قالماۋىنا قاتىستى ۇسىنىستاردى ەنگىزدىك. وسى ورايدا وڭ ناتيجەگە قول جەتكىزىلدى»، - دەدى ن. نوعايەۆ.

اۆتور: رۋسلان عابباسوۆ