ەۋرازيالىق ەكونوميكالىق وداقتاعى ساۋدادا تەڭگەمەن ساۋدا جاسايتىن كاسىپكەرلەردىڭ سانى وتە از

نۇر-سۇلتان. قازاقپارات - ەۋرازيالىق ەكونوميكالىق وداق اياسىنداعى ءوزارا ساۋدادا تەڭگەنىڭ ۇلەسى قانداي؟

بۇل سۇراققا و ك ق- دا وتكەن باسپا ءسوز ءماسليحاتىندا ق ر ساۋدا جانە ينتەگراتسيا ۆيتسە- ءمينيسترى جانەل كۇشىكوۆا جاۋاپ بەردى، دەپ حابارلايدى قازاقپارات ءتىلشىسى.

«ە ا ە و اياسىندا كاسىپكەرلەر ءوزارا ەسەپ ايىرىسار كەزدە قانداي ۆاليۋتانى تاڭداۋى كەرەكتىگى جونىندە شەكتەۋ نەمەسە ارنايى رەتتەۋ فورماسى جوق. قانداي ۆاليۋتادا ەسەپ ايىرىسۋ ءجون ەكەنىن كاسىپكەردىڭ وزدەرى شەشەدى»، - دەدى جانەل كۇشىكوۆا و ك ق- دا وتكەن باسپا ءسوز ءماسليحاتىندا.

ونىڭ ايتۋىنشا تەڭگەمەن ساۋدا جاسايتىن كاسىپكەرلەردىڭ سانى وتە از.

«البەتتە رەسەي فەدەراتسياسىمەن ساۋدا قارىم-قاتىناسى باياعىدان كەلە جاتىر. ەكى ەل اراسىنداعى تاۋار اينالىمىنىڭ كولەمى وتە ۇلكەن. كاسىپكەرلەر كوبىنەسە ۇلتتىق ۆاليۋتادا ەسەپ ايىرىسقاندى ءجون كورەدى. ە ا ە و اياسىندا ەسەپ ايىرىسۋدىڭ شامامەن 76-77 پايىزدىق مولشەرى ۇلتتىق ۆاليۋتامەن جۇرگىزىلەدى. رەسەي فەدەراتسياسى دەگەن اۋقىمدى نارىق ەكەنىن ەسكەرسەك، بۇل ەسەپ ايىرىسۋدىڭ وراسان زور ۇلەسى رەسەيلىك رۋبلگە تيەسىلى ەكەنىن تۇسىنەمىز. ال تەڭگەنىڭ ۇلەسى بۇل تۇرعىدا شامامەن 1,5 پايىزدى قۇرايدى»، - دەدى ول.