الماتى پروكۋراتۋراسى زاڭسىز اعاش كەسۋ فاكتىسى بويىنشا تەرگەۋدى باستادى

ۋاكىلەتتى مەملەكەتتىك ورگاندار بۇل اعاشتاردى كەسۋگە رۇقسات بەرمەگەن. اتالعان دەرەك بويىنشا الماتى قالاسىنىڭ تابيعاتتى قورعاۋ پروكۋراتۋراسى ق ر ق ك 340-بابى (اعاشتار مەن بۇتالاردى زاڭسىز كەسۋ، جويۋ نەمەسە ءبۇلدىرۋ) بويىنشا سوتقا دەيىنگى تەرگەپ-تەكسەرۋدى باستادى.

«تەرگەۋ بارىسىندا ءتيىستى ساراپتاما تاعايىندالادى. ساراپتاما ناتيجەسىندە تابيعاتقا كەلگەن زالال تەكسەرىلىپ، قۇقىقتىق باعا بەرىلەدى. سوتقا دەيىنگى تەرگەۋ الماتى قالاسى پروكۋراتۋراسىنىڭ باقىلاۋىندا بولادى»، - دەدى قالالىق پروكۋراتۋرانىڭ باسپا ءسوز قىزمەتىنەن.

ەسكە سالا كەتسەك، 23-قاراشادا تۇندە الماتىدا ساۋدا ءۇيىنىڭ جانىنداعى جايقالعان ەمەن مەن قاراعاش وتالدى. بۇل تۋرالى تۇرعىندار الەۋمەتتىك جەلىدە نارازىلىق ءبىلدىردى.

«قازىر اۋدان اكىمدىگى مەن پوليتسيا دەپارتامەنتى كەسىلگەن اعاشتاردىڭ تۇقىمى مەن ساپاسىن انىقتاۋ ءۇشىن وقيعا ورنىندا جۇمىس ىستەپ جاتىر. ايىپتى تۇلعالار انىقتالعان سوڭ پوليتسيا دەپارتامەنتى ولاردى جاۋاپكەرشىلىككە تارتادى. تولىعىراق اقپاراتتى انىقتاۋ جۇمىستارى اياقتالعان سوڭ جاريالايمىز»، - دەپ ءمالىم ەتتى قالا اكىمدىگى.

كەيىن الماتى قالالىق جاسىل ەكونوميكا باسقارماسى ساۋدا ءۇيىنىڭ الدىنداعى اعاشتاردىڭ جاپپاي كەسىلۋىنىڭ ءمان-جايىن انىقتادى. پرەزيدەنت قاسىم-جومارت توقايەۆ الماتى قالاسى تولە بي كوشەسىندەگى اعاشتاردىڭ وتالعانىنا قاتىستى جاعدايعا نازار اۋداردى. مەملەكەت باسشىسى الماتى اكىمى باقىتجان ساعىنتايەۆقا اتالعان جاعدايعا بايلانىستى قىزمەتتىك تەركسەرۋ جۇرگىزىپ، كىنالىلەردى جاۋاپكەرشىلىككە تارتۋدى تاپسىردى.

فوتو : facebook.com/ەرمەك سەركەبايەۆ