الماتى اۋەجايىندا ماس جولاۋشى مەن بارمەن توبەلەستى

كولىكتەگى پ د حابارلاۋىنشا، بۇل وقيعا 23-قاراشادا بولعان. «كولىكتەگى پ د الماتى جەلىلىك بولىمىنە الماتى حالىقارالىق اۋەجايى اۋماعىندا ەكى ادام توبەلەسىپ جاتقانى جايلى حابار ءتۇستى. پوليتسيا ەكى ادامنىڭ كىم ەكەنىن انىقتادى. ولار 30-31 جاستاعى جولاۋشى مەن بارمەن ەكەنى بەلگىلى بولدى»، - دەدى دەپارتامەنت وكىلى.

«الماتى- اقتاۋ» رەيسىنىڭ جولاۋشىسى كۇتۋ زالىنداعى بار ۇستەلىندە ۇيىقتاپ قالعان. بارمەن ونى وياتقاندا جولاۋشى تۇرا سالىسىمەن دورەكى مىنەز كورسەتكەن. داۋدىڭ ارتى توبەلەسكە ۇلاسقان. زالدا بولعان باسقادا كۋاگەرلەر توبەلەسكەندەردى اجىراتىپ الدى. 24-قاراشادا بارمەن مەن بار يەسى پوليتسياعا ارىزداندى. مەديتسينالىق كۋالاندىرۋ ناتيجەسىندە جولاۋشىنىڭ ورتا دارەجەدە ماس بولعانى انىقتالعان. قازىرگى تاڭدا ق ر ق ك 293-بابىنىڭ 1-بولىمىمەن بۇل دەرەك سوتقا دەيىنگى تەرگەۋ ءىسى تىزىلىمىنە تىركەلدى.