الماتىدا جاپپاي اعاش كەسۋ: مەردىگەرلەرگە ايىپپۇل سالىندى

23- قاراشا كۇنى الماتى قالالىق جاسىل ەكونوميكا باسقارماسى، تابيعاتتى قورعاۋ پوليتسياسى، المالى اۋداندىق قورشاعان ورتانى قورعاۋ جانە ەكولوگيا باسقارماسىنىڭ ماماندارى اعاشتاردىڭ وتالۋىنىڭ ءمان-جايىن انىقتاۋ ءۇشىن تولە ءبي كوشەسى، 187 مەكەنجايىنا باردى.

«اتالعان مەكەنجايدا 13 اعاشتىڭ (9 ەمەن جانە 4 قاراعاش) الىنىپ تاستالعانى انىقتالدى. Sulpak مەردىگەرلەرى - «ساكۋرا» ج ك مەن «بورىبەكوۆا» ج ك تولە ءبي كوشەسى، 187 عيماراتتىڭ جانىندا اباتتاندىرۋ جۇمىستارىن جۇرگىزىپ جاتىر. «Arena S» ج ش س (Sulpak) پەن عيمارات يەلەرى جانە ەكى جەكە كىسىپكەر - «ساكۋرا» مەن «بورىبەكوۆا» اراسىندا دەمونتاج جۇمىستارىن جۇرگىزۋ، تروتۋار پليتالارىن قايتا قالىپىنا كەلتىرۋ جانە اعاشتاردى كەسۋ بويىنشا كەلىسىمشارتتار جاسالعان.

«وتالعان اعاشتارعا كەلتىرىلگەن زياندى انىقتاۋ ءۇشىن جاسىل ەكونوميكا باسقارماسى ىلە الاتاۋ ۇلتتىق تابيعي پاركىنە سۇرانىس جولدادى. ونىڭ جاۋاپتارى بويىنشا وسى بۇزۋشىلىقتىڭ كۆاليفيكاتسياسى جاسالادى»، - دەپ حابارلادى باسقارمادان.

سونداي-اق باسقارمانىڭ حابارلاۋىنشا، «ساكۋرا» جك ديرەكتورى ا. چەرتيحيناعا قاتىستى، پوليتسيا قازاقستان رەسپۋبليكاسىنىڭ اكىمشىلىك كودەكسىنىڭ 437- بابى، 1-بولىگىنە سايكەس اكىمشىلىك حاتتاما تولتىرىپ. 20 ا ە ك ياعني 55560 تەڭگە ايىپپۇل سالدى.

«بورىبەكوۆا» ج ك- نە قاتىستى ىرگەلەس اۋماقتى ۋاقتىلى تازارتپاعانى ءۇشىن ق ر ا ق ب ت ك- ءنىڭ 505-بابى، 1-بولىگى بويىنشا، 30 ا ە ك مولشەرىندە، 83340 تەڭگەگە اكىمشىلىك حاتتاما جاسالدى. بۇعان دەيىن، الماتى تۇرعىندارى ەمەن جانە قاراعاشتى وتاپ تاستاعاندارعا نارازىلىق بىلدىرگەن بولاتىن.