فۋتبول: قازاقستاندىق ويىنشى ۇزدىك گول اۆتورى اتاندى

اتالمىش كلۋبتىڭ Twitter- دەگى پاراقشاسىندا ءمالىم ەتىلگەنىندەي، ب. زاينۋتدينوۆتى جانكۇيەرلەر رەسەي پرەمەر- ليگاسىندا «ۋرال» (ەكاتەرينبۋرگ) كومانداسىمەن وتكەن ماتچتا سوققان گولى ءۇشىن ۇزدىك دەپ تانىدى.

قازىرگى تاڭدا تسسكا كومانداسى رەسەي چەمپيوناتىندا 32 ۇپايمەن كوش باستاپ كەلەدى. جەكسەنبى كۇنى 15-تۋردا ماسكەۋدە تسسكا «سوچي» كومانداسىمەن 1:1 ەسەبىمەن تەڭ وينادى. بۇعان دەيىن جاراقات الىپ قالعان ب. زاينۋتدينوۆ وسى كەزدەسۋدى تولىق وتكىزىپ شىقتى. بۇل ونىڭ ماسكەۋلىك كلۋب قۇرامىنداعى 11- ماتچى ەدى. قازاقستان ۇلتتىق قۇراماسىندا باكتيەر جارتىلاي قورعاۋشى بولسا، س س ك ا باپكەرلەرى ونى قورعانىس شەبىندە پايدالانىپ كەلەدى. ەسكە سالا كەتەيىك، بۇدان بۇرىن ب. ءزاينۋتدينوۆتىڭ تسسكا كلۋبىنىڭ قىركۇيەك ايىنىڭ قورىتىندىسى بويىنشا ۇزدىك ويىنشىسى اتانعانىن، سوسىن اتالمىش كوماندانىڭ رەسەي چەمپيوناتىندا كوش باستاعانىن جازعان بولاتىنبىز.