التاي كولگىنوۆ: گاز باللونى جارىلىسىنان قازا تاپقان قىزدىڭ وتباسىنا كومەك كورسەتىلەدى

بۇل تۋرالى نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا جازدى، دەپ حابارلايدى قازاقپارات ءتىلشىسى.

«گاز باللون جارىلعان كەزدە بولمەدە بولعان قىزدىڭ وتباسى مەن تۋىستارىنا كوڭىل ايتامىن. مارقۇمنىڭ وتباسىنا كومەك كورسەتىلەدى. توتەنشە جاعدايدى تەرگەۋ ءۇشىن ارنايى كوميسسيا قۇرىلدى. جەدەل شتاب قۇرىلىپ، پسيحولوگيالىق جانە اقپاراتتىق قولداۋ كورسەتۋ ءۇشىن 245171، 245147 جەدەل جەلىسى قۇرىلدى»، - دەدى ەلوردا اكىمى.

سونىمەن قاتار، قالا باسشىسى توتەنشە جاعدايلار دەپارتامەنتى مەن پوليتسيا دەپارتامەنتىنە قالاداعى باسقا دا قوعامدىق تاماقتانۋ نىساندارىن ءورت قاۋىپسىزدىگى ەرەجەلەرىنىڭ ساقتالۋىن تەكسەرۋدى تاپسىرعانىن اتاپ وتەدى.

بۇعان دەيىن ەلوردادا ءدامحانالاردىڭ بىرىندە گاز باللونى جارىلىپ، 1 ادامنىڭ قازا تاپقانىن حابارلاعان ەدىك . قازىرگى ۋاقىتتا جارىلىس سالدارىنان زارداپ شەككەن 33 ادامنىڭ ارۋحانالارعا جەتكىزىلگەنى بەلگىلى.