كوكشەتاۋداعى كوللەدجدەردە قازاق توپتارىنىڭ ۇلەسى وتە تومەن

شاراعا اۋداندىق، قالالىق ءبىلىم بولىمدەرىنىڭ باسشىلارى مەن ادىسكەرلەرى، مەكتەپكە دەيىنگى مەكەمەلەردىڭ مەڭگەرۋشىلەرى مەن قازاق ءتىلى ءپانىنىڭ وقىتۋشىلارى قاتىستى.

كونفەرەنسيا بارىسىندا وبلىستاعى مەكتەپكە دەيىنگى مەكەمەلەر، ورتا ءبىلىم بەرەتىن مەكتەپتەردە جانە ورتا ارنايى وقۋ ورىندارىندا مەملەكەتتىك ءتىل ساياساتى قالاي جۇرگىزىلىپ جاتقانى جايلى ماسەلەلەر قارالدى. كونفەرەنسيانى ۇيىمداستىرۋشىلاردىڭ ايتۋىنشا، ونلاين شارا ءتىل ساياساتىن ىسكە اسىرۋدىڭ 2020-2025 -جىلدارعا ارنالعان مەملەكەتتىك باعدارلاماسىن جۇزەگە اسىرۋ جونىندەگى ءىس-شارالار جوسپارىنىڭ 21 -تارماعىندا كورسەتىلگەن تاپسىرمالاردىڭ ورىندالۋىن تالقىلاۋ ماقساتىندا وتكىزىلدى.

«مەملەكەتتى قالىپتاستىرۋشى ۇلتتىڭ» ءتىلى قاشاندا بيىك تۇعىردا بولۋى كەرەك. قازاق ءتىلى قازاقستاننىڭ بارلىق قوعامدىق قاتىناستارىندا قولدانىستا بولىپ، مەملەكەتتىك يدەيالوگيانىڭ وزەگىنە اينالۋى بۇگىنگى تاڭداعى كەزەك كۇتتىرمەيتىن كيەلى دە كەلەلى ماسەلە. ال ۇلتتىق يدەولوگيانى قالىپتاستىرۋ مەن پاتريوتتىق ءتالىم- تاربيە بەرۋدىڭ بىردەن- ءبىر قۇرالى - ءبىلىم بەرۋ مەكەمەلەرى. ەل ەرتەڭىنىڭ جارقىن بولۋى وسكەلەڭ ۇرپاقتىڭ بىلىمىنە بايلانىستى»، - دەپ اتاپ ءوتتى باسقارما باسشىسى ا. امىرەنوۆا.

جالپى العاندا قازىر اقمولا وبلىسى بويىنشا 601 مەكتەپكە دەيىنگى مەكەمە بار. ولاردىڭ 271 ى قازاق تىلىندە، 140 ى ارالاس تىلدە، 190 ى ورىس تىلىندە ءبىلىم بەرەدى. بيىل وبلىس بويىنشا 555 مەكتەپ بار، ونىڭ ىشىندە قازاق مەكتەپتەرى - 159، ارالاس مەكتەپتەر - 218، ورىس مەكتەپتەرى - 178.

كوللەدجدەردەگى قازاق توپتارىندا وقيتىن بالالاردىڭ ۇلەسى 2013 -جىلمەن سالىستىرعاندا ارتسا دا، قازاق توپتارىنىڭ ۇلەسى ءالى دە تومەن. قازىر وبلىستا 32 كوللەدج بار (قازاق ءتىلدى - 2، ارالاس ءتىلدى - 27، ورىس ءتىلدى - 3).

شارا سوڭىندا كونفەرەنسياعا قاتىسۋشىلار وزدەرىنىڭ پىكىرلەرىمەن جانە مەملەكەتتىك ءتىلدى دامىتۋ بويىنشا ۇسىنىستارى ۇسىندى. اسىرەسە مەكتەپكە دەيىنگى مەكەمەلەردە مەملەكەتتىك ءتىلدى ۇيرەنۋگە قىزىعۋشىلىق پەن ىقىلاسىن ارتتىرۋ، مۇددەلىلىك، قاجەتتىلىك تۋدىرۋدى قامتاماسىز ەتەتىن بىلىكتى وقىتۋشىلاردى دايىنداۋعا ءبولۋ كەرەك. وسىنداي ماقساتتاردى ورىندايتىن بولساق، سوندا عانا قازاقستاندىقتاردىڭ %95 ى 2025 -جىلى مەملەكەتتىك تىلدە سويلەيتىن بولادى.