ەلوردادا العاشقى تۇتىنۋشى گازعا قوسىلدى

بۇل تۋرالى الماتى اۋدانىنىڭ اكىمى بەكتەنباي ەسپولوۆ ءمالىم ەتتى، دەپ حابارلايدى قازاقپارات.

«جەلەزنودوروجنىي» ەلدى مەكەنىندە گازبەن جابدىقتاۋ جەلىسىنىڭ قۇرىلىسى تولىق اياقتالدى.

بيىلعى جىلدىڭ 11- قاراشاسىندا العاشقى تۇتىنۋشى گازعا قوسىلدى. تۇتىنۋشىلاردى كەزەڭ- كەزەڭمەن گازعا قوسۋ جۇمىستارى باستالدى»، - دەپ جازدى ب. ەسپولوۆ Facebook پاراقشاسىندا.

سونداي-اق، اۋدان اكىمى الداعى ۋاقىتتا باس قالا ماڭايىندا ورنالاسقان باسقا دا ەلدى مەكەندەرگە كوگىلدىر وتىننىڭ جەتكىزىلەتىنىن ايتتى.

«ىشكى جەلىلەردى جۇرگىزگەن تۇرعىنداردى گازعا قوسۋ ءۇشىن رەسپۋبليكا داڭعىلى 24، «پاراسات» بيزنەس ورتالىعىنداعى «قاز ترانس گاز ايماق» ا ق كەڭسەسىنە جۇگىنۋ قاجەت. سونىمەن قاتار، «ءوندىرىس»، «كوكتال-2»، «اگروقالاشىق» ەلدى مەكەندەرىندە قۇرىلىس-مونتاجداۋ جۇمىستارى تولىق اياقتالدى، قوسالقى جۇمىستار جۇرگىزىلىپ جاتىر. ولاردى گازعا قوسۋ وسى جىلدىڭ جەلتوقسان ايىنا دەيىن جوسپارلانىپ وتىر»، - دەيدى ول.