وزگە ەتنوس وكىلدەرىنىڭ بالالارىن قازاق مەكتەبىنە بەرىپ جاتقانى قۋانتادى – ەلباسى

بۇل تۋرالى بۇگىن قازاقستان حالقى اسسامبلەياسى كەڭەسىنىڭ وتىرىسىندا ق ر تۇڭعىش پرەزيدەنتى - ەلباسى، ق ح ا ءتوراعاسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

«وزگە بارلىق ۇلتتار مەن ەتنوستاردىڭ وكىلدەرىنە ءبىلىم الۋ مۇمكىندىگى بەرىلگەن جانە ولار ونى قولدانىپ تا ءجۇر. بۇرىنىراقتا مەملەكەتتىك تىلدە سويلەيتىن قازاق ەمەس ادامدى تابۋ پروبلەما بولاتىن. قازىر بۇل مۇلدەم سيرەك كەزدەسەتىن جايت ەمەس. ەلىمىزدەگى بارلىق ەتنوستاردىڭ اراسىندا مەملەكەتتىك ءتىلدى جاقسى بىلەتىندەر سانىن ارتىپ كەلە جاتىر. مەملەكەتتىك ءتىل جالپى مويىندالعان ازاماتتىق ماركەرگە اينالدى جانە كورشىلەرىمىز دە سوعان بارا جاتىر. بۇل تەك مەملەكەتتى قۇراۋشى ۇلتتىڭ تىلىنە دەگەن قۇرمەت قانا ەمەس. ويتكەنى، ءتىل بارلىعىن بىرىكتىرەدى»، - دەدى ەلباسى.

ق ر تۇڭعىش پرەزيدەنتى امەريكا جۇزدەگەن ۇلت پەن ەتنوستان تۇراتىنىن، الايدا ولاردىڭ اعىلشىن ءتىلى امەريكالىق قىلىپ وتىرعاندىعىن باسا ايتتى.

«ارينە، بىزدە جاعداي وزگەشەلەۋ. ءبىراق، سوعان بارۋىمىز كەرەك جانە مەملەكەتتىك ءتىل بارلىق ازاماتتارعا باسقارۋدىڭ بۇكىل ورگاندارىنا جۇمىس ىستەۋگە، ءتىپتى پرەزيدەنت بولىپ سايلانۋعا دا مۇمكىندىك بەرەدى. سوندىقتان ماقسات ۇلكەن. ادام كوپ ءتىل بىلگەن سايىن مادەنيەتتى بولا تۇسەدى. مەنىڭشە، كوپشىلىك مۇنى ورتاق ماقساتتار ءۇشىن جاساپ وتىرعانىمىزدى تۇسىنەدى. سول سەبەپتى ءتۇرلى ەتنوستىڭ اتا- انالارى بالالارىن قازاق بالاباقشالارىنا، مەكتەپتەرگە جانە جوعارى وقۋ ورىندارىنا بەرە باستاعانى قۋانتادى. مۇنى قولداۋ قاجەت»، - دەدى نۇرسۇلتان نازاربايەۆ.

اۆتور: مارلان جيەمباي