+7 (701) 759 90 19
-20 °С : نۇر-سۇلتان
-7 °С : الماتى
USD 424.49 EUR 504.51
RUB 5.59 CNY 64.57
جاڭالىقتار

داۆيد لوريا: قازاقستان تۋىن كوتەرىپ، الەم الدىندا ءانۇراندى شىرقاۋدان اسقان ماقتانىش جوق

25 قازان 14:30
:ءبولىسۋ
داۆيد لوريا: قازاقستان تۋىن كوتەرىپ، الەم الدىندا ءانۇراندى شىرقاۋدان اسقان ماقتانىش جوق

نۇر-سۇلتان. قازاقپارات - بىرنەشە كۇن بۇرىن قازاقستاندىقتار الەۋمەتتىك جەلىلەردەگى پاراقشالارىنا مەملەكەتتىك تۋدىڭ اياسىنداعى فوتوسۋرەتتەرىن جاريالاپ، ەرەكشە اكتسيا باستادى.

«مەن تۋىمدى ماقتان ەتەمىن» ۇرانىمەن ءوتىپ جاتقان بۇل باستامانى قازاقستاننىڭ كوپتەگەن ازاماتى قولدادى.

وسى ورايدا ءوز وتانىنا دەگەن سۇيىسپەنشىلىگىن ءبىلدىرىپ، پاتريوتتىق ارەكەتىمەن ەلدىڭ العىسىنا بولەنىپ جاتتى.

جاريالانىمدار اراسىندا قازاقستاندىق فۋتبولشى داۆيد لوريانىڭ مەملەكەتتىك سيمۆولعا كورسەتكەن قۇرمەتى كوپشىلىكتى ءتانتى ەتتى.

فوتوسۋرەتتە سپورتشى تۇركياداعى ارەنادا ءوز ەلىنىڭ بايراعىن ءسۇيىپ جاتقان ءساتى كورسەتىلگەن.

جاقىندا فۋتبولشى بۇل فوتوسۋرەتىن ءوزىنىڭ Instagram-داعى پاراقشاسىندا جاريالاپ: «سپورتشى ءۇشىن كوك تۋدى كوككە كوتەرىپ، كۇللى الەمنىڭ الدىندا ءانۇراندى شىرقاۋدان اسقان ماقتانىش جوق. مەملەكەتتىك ءرامىزىمىز قاسيەتتى تۋىمىزدى قاستەرلەۋ - بۇل وتانعا، تۋعان جەرگە دەگەن سۇيىسپەنشىلىك ءھام ماحاببات. ءوز تۋىمدى ماقتان تۇتامىن!»، - دەپ جازدى.

وسىدان كەيىن ءبىز سپورتشىمەن حابارلاسقان ەدىك. ول اتالعان فوتوسۋرەتتىڭ تاريحى جايىندا بايانداپ بەردى.

«بۇل فوتوسۋرەت وسىدان 8 جىل بۇرىن تۇسىرىلگەن ەدى. ول كەزدە «رەزەسپور» قۇرامىندا تۇركيا چەمپيوناتىندا ونەر كورسەتكەنمىن. «كارشياكيگە» قارسى ويىندا ماتچ الدىنداعى شيراتۋ جاتتىعۋى كەزىندە تريبۋنادا قازاقستاننىڭ تۋى ءىلىنىپ تۇرعانىن بايقاپ قالدىم. سول ساتتە كەۋدەمدى ماقتانىش پەن قۋانىش سەزىمى كەرنەدى. كۋرورتتىق ەمەس شاعىن عانا ريزە قالاسىندا ماعان قولداۋ بىلدىرۋگە كەلگەن جەرلەستەرىمدى كورىپ، كادىمگىدەي قۋانىپ قالدىم. قازاقستاننىڭ تۋىن كورگەندە قۋانىشىم ەسەلەنە ءتۇستى. دەنەنى شىنىقتىرۋ اياقتالعاننان كەيىن، بىردەن تريبۋناعا قاراي جۇگىرىپ بارىپ، تۋدى ءسۇيدىم. جان تولعانىسىمەن وسىنداي ارەكەت جاسادىم. كەيىننەن باسىمدى جوعارى كوتەرىپ، تريبۋناداعى جەرلەستەرىمدى كوردىم. ولار مەن ءۇشىن ويىندى تاماشالاۋعا كەلگەن. ويىن اياقتالعان سوڭ، جاساعان قولداۋلارى ءۇشىن ولارعا تاعى ءبىر مارتە العىسىمدى ايتتىم»، - دەپ ەسكە الدى «استانا» ف ك كلۋبىنىڭ اتقارۋشى ديرەكتورى بولىپ تاعايىندالعان داۆيد لوريا.

سپورتشىلار شەتەلدە ءوز ەلىن تانىتۋ ءۇشىن كوپ ۋاقىت بويى زالدا شىنىعىپ، ءتۇرلى كەدەرگىلەردى ەڭسەرەدى. ءاربىر سپورتشىنىڭ جەڭىسى - ول ءبىرىنشى كەزەكتە ەلدىڭ مارتەبەسى.

«سپورتشى ءۇشىن جەتىستىكتىڭ ەڭ جوعارى دارەجەسى حالىقارالىق دەڭگەيدە ءوز تۋىڭ جوعارى كوتەرىلگەن كەزدە بايقالادى. الاڭدا تۇرعان كەزدە ءانۇران شىرقالىپ، ءوز تۋىڭا قاراپ تۇرعات ساتتە - اقشا، تانىمالدىلىق پەن باسقا دا جاعدايلار ۇمىت بولىپ، ماعىناسىن جوعالتادى. ءانۇرانىڭدى شىرقاپ تۇرعانىڭدا قۋاتتى جان تولعانىسىن سەزىنەسىڭ»، - دەدى فۋتبولشى.

ايتا كەتەيىك، وسى كۇندەرى «مەن تۋىمدى ماقتان ەتەمىن» نەمەسە «يا گورجۋس سۆويم فلاگوم» دەگەن جازۋمەن جانە حەشتەگپەن ازاماتتار الەۋمەتتىك جەلىلەردە سۋرەتتەرىن جاريالاپ جاتىر. Facebook، Instagram-دا، سونداي- اق YouTube جەلىسىندە دە وسى باستاماعا قاتىستى ۆيدەولار تاراۋدا. قولدانۋشىلاردىڭ ءبىرى ارنايى ۆيدەو ازىرلەسە، ەندى ءبىرى ولەڭ-جىر ارناپ، ءۇن قوسقان. سونىمەن قاتار، «مەن تۋىمدى ماقتان ەتەمىن» اكتسياسى اياسىندا ەلوردادا «قازاقستان تەمىر جولى» عيماراتىنىڭ سىرتىندا مەملەكەتتىك تۋدىڭ الىپ كەسكىنى بەينەلەندى.

ايتا كەتەيىك، داۆيد گريگوريەۆيچ لوريا - ەلوردالىق فۋتبول مەكتەبىنىڭ تاربيەلەنۋشىسى، قازاقستان قۇراماسى رەكوردشىلارىنىڭ ءبىرى. لوريا 2009-جىلدان بەرى قازاقستاندىق «جەڭىس»، «ەسىل»، «شاحتەر»، «ەرتىس»، «قايرات»، «ورداباسى» جانە «لوكوموتيۆ» قۇرامىندا ونەر كورسەتىپ، كوماندامەن كۇمىس مەدالداردى جەڭىپ الدى. سونداي-اق تۇرىك «ريزەسپور»، «قارشياكا»، شۆەد «حالمستاد» جانە رەسەيلىك «سپارتاك نالچيك» كوماندالارىندا دا بولدى. ەكس-قاقپاشىنىڭ ەسەبىندە بارلىعى ءۇش چەمپيوندىق اتاق بار.

قازاقستان جاستار قۇراماسى ساپىندا جۇرگەندە لوريا نيگەريادا وتكەن الەم چەمپيوناتىنا قاتىستى، ۇلتتىق قۇراما ساپىندا داۆيد 45 ماتچ وينادى. 2019-جىلى سپورتتاعى مانسابىن اياقتاعان سوڭ، جاس مامان مەنەدجمەنتتى وقىتۋ بويىنشا قۇراما كوماندالاردىڭ بۇرىنعى ويىنشىلارى ءۇشىن قۇرىلعان UEFA MIP فۋتبول مەنەدجمەنتى باعدارلاماسى بويىنشا كۋرسقا قابىلداندى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات