+7 (701) 759 90 19
-12 °С : نۇر-سۇلتان
-2 °С : الماتى
USD 425.05 EUR 509.29
RUB 5.58 CNY 64.66
جاڭالىقتار

قازاقستاندا اپتا ىشىندە بولعان كادرلىق تاعايىنداۋلار

25 قازان 13:13
:ءبولىسۋ
قازاقستاندا اپتا ىشىندە بولعان كادرلىق تاعايىنداۋلار

نۇر-سۇلتان. قازاقپارات - وسى اپتادا مەملەكەت باسشىسىنىڭ وكىمىمەن ءبىرقاتار لاۋازىم يەلەرى تاعايىندالدى.

مۇنان وزگە دە تاعايىنداۋلار جەرگىلىكتى جانە ورتالىق اتقارۋشى ورگانداردا ورىن الدى.

قازاقپارات اپتا ىشىندەگى كادرلىق اۋىس-تۇيىسكە شولۋ ۇسىنادى.

مەملەكەت باسشىسى قاسىم-جومارت توقايەۆتىڭ وكىمدەرىمەن قورعانىس ءمينيسترىنىڭ ەكى ورىنباسارى تاعايىندالدى.

دارىن شىلبىن ۇلى تۇياقوۆ پەن مۇحامەدجان قادىرجان ۇلى تالاسوۆ قازاقستان رەسپۋبليكاسى قورعانىس ءمينيسترىنىڭ ورىنباسارى قىزمەتىنە بەكىتىلدى.

وسى اپتانىڭ ورتاسىندا پرەزيدەنتتىڭ وكىمدەرىمەن باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ورىنباسارلارى تاعايىندالدى.

رۋستام نۇرلان ۇلى احمەتوۆ ق ر باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ءبىرىنشى ورىنباسارى قىزمەتىنە؛ مارات تالعات ۇلى وماروۆ ق ر باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ورىنباسارى قىزمەتىنە؛ بولات قۋانىشبەك ۇلى سامبەتوۆ قازاقستان رەسپۋبليكاسىنىڭ باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ورىنباسارى قىزمەتىنە بەكىتىلدى.

سونىمەن قاتار، مەملەكەت باسشىسىنىڭ وكىمىمەن ءسابيت نۇرلىباي ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ءتوراعاسى بولىپ تاعايىندالدى.

ول ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ جاۋاپتى حاتشىسى قىزمەتىنەن بوساتىلدى. ق ر پرەمەر-ءمينيسترىنىڭ وكىمىمەن بياحمەتوۆ اسقار ساقتاعان ۇلى ق ر پرەمەر-ءمينيسترى كەڭسەسىنىڭ باسشىنىڭ ورىنباسارى بولىپ تاعايىندالدى.

اسقار بياحمەتوۆ 1975-جىلى اقتوبە وبلىسىندا تۋعان. قازاق مەملەكەتتىك باسقارۋ اكادەمياسىن «قارجى جانە نەسيە» ماماندىعى بويىنشا، قاز گ ز ۋ «قۇقىق تانۋ» ماماندىعى بويىنشا، ق ر پرەزيدەنتى جانىنداعى م ب ا ۇ م س م ماگيستراتۋراسىن «ساياسات تانۋ» ماماندىعى بويىنشا جانە ديۋك ۋنيۆەرسيتەتىن بىتىرگەن.

1993- 2004 ج ج. — وبلىستىق قارجى باسقارماسىندا، «پروفيلاكتوريي» پ ك، سالىق كوميتەتىندە، قالالىق اكىمدىكتە، سونداي-اق اقتوبە وبلىسىنىڭ قازىناشىلىق جانە قارجى باسقارمالارىندا باسشىلىق لاۋازىمداردا جۇمىس ىستەدى.

2019- 2020 ج ج. — ق ر پرەمەر-ءمينيسترى ءبىرىنشى ورىنباسارىنىڭ كەڭەسشىسى.

بۇل اپتادا ق ر ۇكىمەتىنىڭ قاۋىلىسىمەن احمەتجانوۆ ءانۋار مۇرات ۇلى ق ر سيفرلىق دامۋ، يننوۆاتسيالار جانە اەروعارىش ونەركاسىبى ءبىرىنشى ۆيتسە-ءمينيسترى قىزمەتىنە تاعايىندالدى.

ءانۋار احمەتجانوۆ 1975-جىلى قاراعاندى قالاسىندا دۇنيەگە كەلگەن. 1996-جىلى ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، 2000-جىلى دجونس حوپكينس ۋنيۆەرسيتەتىن بىتىرگەن. ەڭبەك جولىن 1996-جىلى ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ەكونوميكا جانە سىرتقى ەكونوميكالىق قىزمەت كافەدراسىنىڭ وقىتۋشىسى بولىپ باستاعان.

2019-جىلدىڭ تامىز ايىنان باستاپ قازىرگە دەيىن ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ جاۋاپتى حاتشىسى قىزمەتىن اتقاردى.

ق ر ۇكىمەتىنىڭ قاۋىلىسىمەن ازامات كەمەڭگەر ۇلى ءامرين ق ر ۇلتتىق ەكونوميكا ۆيتسە-ءمينيسترى قىزمەتىنە تاعايىندالدى.

ازامات ءامرين 1973-جىلى سولتۇستىك قازاقستان وبلىسىندا دۇنيەگە كەلگەن. اقمولا اۋىل شارۋاشىلىعى ينستيتۋتىن جانە م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىن بىتىرگەن. ماماندىعى بويىنشا ەكونوميست- مەنەدجەر، قۇقىقتانۋ باكالاۆرى. ەڭبەك جولىن 1989-جىلى كورنەيەۆ كەڭشارىندا جۇمىسشى بولىپ باستادى.

2015 -جىلعى قاڭتاردان باستاپ قازىرگە دەيىن ق ر ۇلتتىق ەكونوميكا مينيسترلىگىنىڭ سالىق جانە كەدەن ساياساتى دەپارتامەنتىنىڭ ديرەكتورى بولىپ ەڭبەك ەتتى. ق ر ۇكىمەتىنىڭ قاۋىلىسىمەن اسەم بەك قىزى ءنۇسىپوۆا قازاقستان رەسپۋبليكاسى دەنساۋلىق ساقتاۋ ۆيتسە-ءمينيسترى قىزمەتىنە تاعايىندالدى.

اسەم ءنۇسىپوۆا 1975-جىلى الماتى قالاسىندا تۋعان. 1996-جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن «ەكونوميكا» ماماندىعى بويىنشا، 1998-جىلى وسى ۋنيۆەرسيتەتتىڭ ماگيستراتۋراسىن بىتىرگەن. 2001-2003 ج ج. — قاۋىپسىزدىك كەڭەسىنىڭ ەكونوميكالىق قاۋىپسىزدىك ماسەلەلەرى جونىندەگى ءبولىمىنىڭ باس ساراپشىسى، ق ر پرەزيدەنتى اكىمشىلىگىنىڭ جۇيەلى زەرتتەۋلەر ورتالىعىنىڭ ساراپشىسى، سەكتور مەڭگەرۋشىسى. 2016-2019 ج ج. — شىعىس قازاقستان وبلىسى اكىمىنىڭ ورىنباسارى. 2020 ج. — «استانا» حالىقارالىق قارجى ورتالىعىنىڭ اكىمشىلىگى» ا ق باس كونسۋلتانتى.

2020-جىلعى شىلدەدەن باستاپ قازىرگە دەيىن — ق ر دەنساۋلىق ساقتاۋ مينيسترلىگىنىڭ جاۋاپتى حاتشىسى.

تۇركىستان وبلىسى اكىمىنىڭ ورىنباسارى بولىپ ارمان ءسابيتوۆ تاعايىندالدى. ارمان ءسابيتوۆ 1984 -جىلى شىمكەنت قالاسىندا تۋعان، ءبىلىمى جوعارى. ءال-فارابي اتىنداعى قازاق ۇلتتىق ۋنيۆەرسيتەتىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىنىڭ اسپيرانتۋراسىن بىتىرگەن. ماماندىعى بويىنشا ەكونوميست، ەكونوميكا عىلىمدارىنىڭ كانديداتى، مەملەكەتتىك اۋديتور. ەڭبەك جولىن «ازاماتاۋديت» ج ش س اۋديتورلىق مەكەمەسىندە اۋديتوردىڭ اسسيستەنتى بولىپ باستاعان.

2019-جىلدان بەرى پرەزيدەنت اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى، پرەزيدەنت اكىمشىلىگىنىڭ مەملەكەتتىك ينسپەكتورى قىزمەتتەرىن اتقارىپ كەلگەن.

ق ر مەملەكەتتىك قىزمەت ىستەرى اگەنتتىگىنىڭ بۇيرىعىمەن رافحات بيسەنوۆ اگەنتتىكتىڭ قىزىلوردا وبلىسى بويىنشا دەپارتامەنتىنىڭ باسشىسى، ادەپ جونىندەگى كەڭەس ءتوراعاسى قىزمەتىنە تاعايىندالدى.

ر. بيسەنوۆ 1983-جىلى باتىس قازاقستان وبلىسىندا دۇنيەگە كەلگەن. 2003-جىلى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن «قازاقستان تاريحى»، 2014-جىلى قازاق-ورىس حالىقارالىق ۋنيۆەرسيتەتىن «قۇقىق تانۋ» ماماندىعى بويىنشا ءتامامداعان.

ەڭبەك جولىن 2003-جىلى اقتوبە قالاسىنداعى 51№ گيمنازيادا تاريح ءپانىنىڭ مۇعالىمى رەتىندە باستاعان. 2016-جىلدان باستاپ وسى كەزگە دەيىن اتالعان دەپارتامەنت باسشىسىنىڭ ورىنباسارى قىزمەتىن اتقاردى.

اتىراۋ وبلىستىق دەنساۋلىق ساقتاۋ باسقارماسىنىڭ باسشىسى بولىپ اسحان بايدۋاليەۆ تاعايىندالدى. اسحان مارحاباي ۇلىنىڭ ماماندىعى - دارىگەر- ۋرولوگ، مەديتسينا عىلىمدارىنىڭ كانديداتى. س. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىن بىتىرگەن.

ەڭبەك جولىن اتالعان ۋنيۆەرسيتەتتىڭ ۋرولوگيا جانە جەدەل نەفرولوگيا كافەدراسىندا اسسيستەنت بولىپ باستاعان. وسى تاعايىنداۋعا دەيىن اتىراۋ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى، باسشىسىنىڭ مىندەتىن اتقارۋشى بولدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات