امەريكالىق جازۋشى: «بورات» - تاريحتاعى ەڭ ءناسىلشىل فيلم

بۇل تۋرالى امەريكالىق جازۋشى ناسسيم تالەب ءوزىنىڭ Twitter پاراقشاسىندا جازدى، دەپ حابارلايدى قازاقپارات.

«بورات» - قازاقستان حالقىن اشىق تۇردە قورلايتىن تاريحتاعى ەڭ ءناسىلشىل فيلم. كوپتەگەن ادامدار كونتەكستەن تىس سوزدەردى دۇرىس قولدانباعانى ءۇشىن كوپشىلىك الدىندا ايىپتالادى. مەن «بورات - پاروديا» دەگەن سىڭايلى جازعانداردىڭ بارلىعىن بۇعاتتادىم. ءيا، مەن مۇنىڭ پاروديا ەكەنىن بىلەمىن. ءبىراق مەنى «پاروديانىڭ» قوسارلانعان ستاندارتى كوبىرەك قىزىقتىرادى. ەگەر ءناسىلشىل ازىلدەر (ءىس جۇزىندە قورلاۋ) كەيبىر ناسىلدەردىڭ وكىلدەرىنە رۇقسات ەتىلسە، ال وندا باسقالارى بولماسا، بۇل ناسىلشىلدىكتىڭ ەڭ ناشار ءتۇرى»، - دەدى ناسسيم تالەب.

سونىمەن قاتار، جازۋشى قازاقستاندا بىرنەشە رەت بولعانى تۋرالى ايتتى.

«مەن قازاقستاندا بىرنەشە رەت بولعانمىن. سول كەزدە تۇرعىندار بوراتتىڭ شىن مانىندە قازاقستاننىڭ وكىلى ەمەس ەكەندىگىن، بۇل ادىلەتسىز بولعانىن جانە فيلمنىڭ كوپ زيان كەلتىرگەنى تۋرالى ۇنەمى ايتاتىن. بىردە مەن مارات دەگەن جۇرگىزۋشىنى بورات دەپ بايقاۋسىزدا ايتقانىم ءۇشىن قاتتى رەاكتسيا تۋعان بولاتىن»، - دەپ تولىقتىردى ول.