اقتوبەدە ەكى مۇعالىم توبەلەسىپ، بىرەۋى كوز جۇمدى

توبەلەس بولعان اۋداندا قازىر تەرگەۋ امالدارى ءجۇرىپ جاتىر. اقتوبە وبلىستىق ءبىلىم باسقارماسى وسى جاعدايعا قاتىستى تۇسىنىك بەردى.

«تەمىر اۋداندىق ءبىلىم ءبولىمىنىڭ حابارلاماسى نەگىزىندە ج. كەرەيەۆ اتىنداعى مەكتەپتىڭ دەنە شىنىقتىرۋ جانە تاريح ءپانى مۇعالىمدەرىنىڭ توبەلەسكەنى انىقتالدى. توبەلەس دەنە شىنىقتىرۋ ءپانى مۇعالىمىنىڭ ءۇيىنىڭ اۋلاسىندا تۇسكى مەزگىلدە بولعان. سالدارىنان دەنە شىنىقتىرۋ ءپانىنىڭ مۇعالىمى بەرىك ەلتەزەروۆ قايتىس بولدى. تەرگەۋ جۇرگىزىلۋدە»، - دەدى وبلىستىق ءبىلىم باسقارماسى باسقارماسى باسشىسىنىڭ ورىنباسارى گۇلناز سۇلەيمەنوۆا.

ايتا كەتەيىك، 22-قازاندا تەمىر اۋداندىق پوليتسيا بولىمىنە جەرگىلىكتى تۇرعىن ءوز ءۇيىنىڭ اۋلاسىنان ەر ادامنىڭ ءمايىتىن تاپقانى تۋرالى حابارلاما كەلىپ ءتۇستى. ەكەۋى دە جوعارى ءبىلىمدى. كۇدىكتىنىڭ جاسى 43-تە.

«جەدەل- تەرگەۋ توبى قازا تاپقان ادامنىڭ جەكە باسىن انىقتادى. ول پىشاق جاراقاتى تۇرىندەگى زورلىق- زومبىلىق بەلگىلەرى بار 40 جاستاعى جەرگىلىكتى تۇرعىن بولىپ شىقتى. اتالعان فاكتى بويىنشا كۇدىكتى انىقتالىپ، ق ر ق ك-نىڭ 99-بابى 1-بولىگى «ادام ءولتىرۋ» بويىنشا سوتقا دەيىنگى تەرگەۋ امالدارىن باستادى. ق ر ق پ ك 201-بابىنا سايكەس قىلمىستىق ءىستى تەرگەۋ شەڭبەرىندە وزگە اقپارات جاريا ەتىلمەيدى»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

اۆتور: التىناي ساعىندىقوۆا