قازاقستاندا كورەي كەسپەسىن ساتۋعا تىيىم قانداي جاعدايدا الىناتىنى ايتىلدى

تىلشىلەردىڭ رەسمي ساۋالىنا سانينسپەكتورلار كەسپەنى كورەي تاراپى ءوندىرۋشىنى تەكسەرگەننەن كەيىن عانا ساتۋعا تىيىم الىپ تاستالاتىنىن حابارلادى.

«ازىق-تۇلىك تاۋارلارىن اكەلۋگە جانە ساتۋعا تىيىم سالۋدى الىپ تاستاۋدىڭ نەگىزىنە كورەيا رەسپۋبليكاسىنىڭ ۋاكىلەتتى ورگاندارىنىڭ ءتيىس سانيتارلىق جانە ەپيدەمياعا قارسى شارالاردىڭ ورىندالۋى تۋرالى حابارلاماسى جانە وسى ءونىمدى وندىرۋشىگە باقىلاۋدى كۇشەيتۋ جاتادى.

ونىمدەردى باقىلاۋ زەرتحانالىق جۇمىستارىنىڭ ناتيجەلەرى «تاماق ونىمدەرىنىڭ قاۋىپسىزدىگى تۋرالى» جانە «تاماق ونىمدەرى ولاردىڭ تاڭبالانۋى تۇرعىسىنان» كەدەن وداعىنىڭ تەحنيكالىق رەگلامەنتتەرىنىڭ تالاپتارىنا سايكەس كەلۋى كەرەك»، - دەپ حابارلادى كوميتەت وكىلدەرى.

ەسكە سالايىق، 14- قازاندا قازاقستان كورەي كەسپەسىن اكەلۋگە تىيىم سالعان بولاتىن. ماماندار كەسپە قاپتاماسىندا ونىمدەگى گەندىك تۇرلەندىرىلگەن ينگرەديەنتتەردىڭ قۇرامى تۋرالى اقپارات بولماعانىن اتاپ ءوتتى.

«تاماق ونىمدەرىندەگى گ م و قۇرامىنىڭ رۇقسات ەتىلگەن نورماسى 0,9 پايىزدان اسپاۋى كەرەك. بەلگىلەنگەن تالاپتارعا، ونىڭ ىشىندە حالىقارالىق كودەكس اليمەنتاريۋس تاماق ستاندارتتارىنا سايكەس تاماق ءونىمىنىڭ قۇرامىندا گ م و 0,9 پايىزدان اسپاۋى كەرەك. تاماق ونىمدەرى مىندەتتى تۇردە تاڭبالانۋى شارت. بۇل ءونىم مونيتورينگ بارىسىندا انىقتالدى. ءونىم الماتى قالاسىنىڭ ساۋدا وبەكتىلەرىنەن: ج ك «الما»، دۇكەن «مايبۇلاق» جانە «ميلا» ج ك كاليەۆا ا. ا- دان ساتىپ الىنعان.

قازىرگى تاڭدا سايكەس كەلمەيتىن ءونىمدى انىقتاۋ جانە ونى ساتۋدان الۋ بويىنشا ءىس-شارالار جۇرگىزىلىپ جاتىر»، - دەلىنگەن حابارلامادا.