10:43, 23 - قازان 2020 | GMT +6
دەمالىس كۇنى ەلوردادا قوعامدىق كولىك جۇرمەيدى
نۇر-سۇلتان. قازاقپارات - جەكسەنبى، 25- قازاندا ەلوردادا قوعامدىق كولىك قوزعالىسى ءبىر كۇنگە توقتاتىلادى.
اۆتوبۋستار مەن اۆتوپاركتەردە دەزينفەكتسيالىق جۇمىستار جۇرگىزىلەدى.
بۇل تۋرالى «City Transportation Systems» حابارلادى.
دۇيسەنبى، 26- قازاندا اۆتوبۋستار قايتا ءوز جۇمىسىن جالعاستىراتىن بولادى. باسقا كۇندەرى قوعامدىق كولىك ادەتتەگىدەي جۇمىس ىستەيدى.
«تۇرعىنداردى سانيتارلىق نورمالاردى ساقتاۋعا جانە اۆتوبۋسقا ماسكاسىز كىرۋگە تىيىم سالىنعانىن ۇمىتپاۋعا شاقىرامىز. جول ءجۇرۋ اقىسىن قولما-قول اقشاسىز تولەۋ ارقىلى عانا تولەۋگە بولادى»، - دەپ حابارلايدى «City Transportation Systems» ج ش س.