ەلوردا تۇرعىنى كولىگىنىڭ كاپوتىنا جارماسقان بۇرىنعى ايەلىن كوشەدە سۇيرەگەن

«KIA Cerato» كولىگىنىڭ كاپوتىنا كەلىنشەگىن وتىرعىزىپ، ەلوردا كوشەلەرىن كەزگەن قالا تۇرعىنىنا قاتىستى اكىمشىلىك ءىس قوزعالدى، نۇر- سۇلتان قالالىق پوليتسيا دەپارتامەنتىنىڭ مالىمەتىنشە، وتباسىلىق «دراما» ءتۇن ورتاسىندا گەتە كوشەسىندەگى ۆوكزال ماڭىنداعى الاڭنان باستالعان.

كولىكتە سويلەسىپ وتىرعان ەرلى- زايىپتىلاردىڭ اراسىندا جانال تۋىنداعان. ايەلدىڭ ايتۋىنشا، ماشينادان شىققان كەزدە سالوندا قۇجاتتارىنىڭ قالىپ قويعانى ەسىنە تۇسكەن. ال كۇيەۋى ەسىكتى اشپاي، قوزعالا باستاعان. سول ساتتە كەلىنشەك كولىك كاپوتىنا سەكىرىپ، جاتىپ العان. بۇعان دا قاراماعان كۇيەۋى ءجۇرىسىن جالعاستىرىپ، ءتىپتى جىلدامدىق ارتتىرا باستاعان. كاپوتقا جابىسقان ايەلدى كورگەن وزگە جۇرگىزۋشىلەر ونى توقتاتۋعا تىرىسقانىمەن، «KIA Cerato» يەسى جىلدامدىقتى تومەندەتپەگەن. ءتىپتى، وزگە كولىكتەردى باسىپ وزعان. الايدا، باسقا كولىك يەلەرى وعان توسقاۋىل قويا ءبىلدى.

«جەدەل باسقارۋ ورتالىعى بەينەباقىلاۋ كامەراسىنىڭ كومەگىمەن تۇنگى قۋعىندى بايقاپ قالىپ، وقيعا ورنىنا اۆتوپاترۋل پوليتسياسىنىڭ ەكيپاجىن جىبەردى. وقيعا ورنىنا جەتكەن پوليتسيا قىزمەتكەرلەرى جۇرگىزۋشى مەن ايەلدى پوليتسيا باسقارماسىنا جەتكىزدى. بۇرىنعى ەرلى- زايىپتىلار ءوزارا ءمان- جايدى انىقتاعاننان كەيىن، ءبىر- بىرىنە تالاپتارى بولمادى. ايەل زارداپ شەككەن جوق. اتالعان فاكتى بويىنشا «KIA Cerato» كولىگىنىڭ جۇرگىزۋشىسىنە قاتىستى ق ر اكىمشىلىك قۇقىق بۇزۋشىلىق كودەكسىنىڭ 593-بابى 1-بولىگىمەن اكىمشىلىك ءوندىرىس قوزعالدى»، - دەپ اتاپ وتەدى دەپارتامەنتتەن.

نۇر- سۇلتان قالالىق پ د باسشىلىعى جولدا قايعىلى جايتتىڭ ورىن الۋىنا جول بەرمەگەن وزگە جۇرگىزۋشىلەرگە ريزاشىلىعىن ءبىلدىرىپ وتىر.