ەۆەرەست بيىكتىگىن كىم جانە قالاي ولشەيدى؟

None
None
نۇر-سۇلتان. قازاقپارات - نەپال ەۆەرەستتىڭ جاڭا بيىكتىگىن بيىل مامىر ايىندا رەسمي حابارلاۋى قاجەت بولعان.

سەبەبى شىڭنىڭ بيىكتىگى جىل سايىن جەر سىلكىنىسىنەن، مۇزداردىڭ ەرۋىنەن وزگەرۋى مۇمكىن. بيىل كوروناۆيرۋس پاندەمياسىنا بايلانىستى بۇل ءىس- شارا كەيىنگە قالدى.

سوڭعى رەت ءۇش ادامنان تۇراتىن كوماندا 2019 -جىلى 22 - مامىردا ەۆەرەستكە شىققان. نەپال گەودەزيا دەپارتامەنتىنىڭ عالىمدارى حيم لال گاۋتام مەن رابين كاركي جانە جول باستاۋشى شيرينگ دجانگبۋ تاۋداعى قاردىڭ قالىڭدىعىن انىقتايتىن رادار مەن GNSS قابىلداعىشى بار 40 كەلى بولاتىن جۇكتى شىڭعا الىپ شىقتى.

عالىمدار ەۆەرەست شىڭىنا 22 - مامىر كۇنى جەتىپ، سەلسي بويىنشا -76 گرادۋستا 1 ساعات بويى GNSS قابىلداعىشىمەن دەرەك جيناعان. ازىرگە وڭدەلگەن اقپارات ءالى جاريالانعان جوق.

بۇگىنگى تاڭدا ەۆەرەستتىڭ بيىكتىگى - 8848 مەتر. بۇل سوناۋ 1955 -جىلى جۇرگىزىلگەن زەرتتەۋدىڭ ناتيجەسى. بۇگىنگە دەيىن ءۇندىستان، ا ق ش، قىتاي جانە ەۋروپا عالىمدارى شىڭنىڭ بيىكتىگىن ولشەپ، 8844-8850 مەتر ارالىعىندا ەكەنىن انىقتاعان. ال نەپال بيلىگى شىڭنىڭ بيىكتىگىن ولشەۋگە تەك 2017 -جىلى بەل بۋدى.

«2015 -جىلى تىركەلگەن جەر سىلكىنىسى تاۋ جىنىستارىنىڭ وزگەرۋىنە سەبەپ بولدى. ەكىنشى زەرتتەۋ جۇمىستارى قيىن بولعانىمەن، جەر سىلكىنىسىنەن سوڭ شىڭنىڭ بيىكتىگىن ولشەۋگە مىندەتتى ەدىك»، - دەيدى نەپال زەرتتەۋ دەپارتامەنتىنىڭ ەكس- ديرەكتورى نيرادج ماناندحار.

جاڭا زەلاندياداعى گەودەزيا ۋنيۆەرسيتەتىنىڭ دوكتورى كريستوفەر پيرسون ەۆەرەست بيىكتىگىن نە سەبەپتى قايتا ولشەۋ كەرەگىن ءتۇسىندىردى. ونىڭ ايتۋىنشا، جەر سىلكىنىسىنەن سوڭ ەۆەرەستتىڭ بيىكتىگى شوككەن بولۋى مۇمكىن. وعان قوسا، زاماناۋي تەحنولوگيا الەمدەگى ەڭ بيىك شىڭنىڭ بيىكتىگىن ءدال انىقتاۋعا مۇمكىندىك بەرەدى. سونداي- اق، كەيىنگى ۋاقىتتا شىڭداعى مۇز جىلدام ەرىپ، بيىكتىكتىڭ وزگەرۋىنە سەبەپ بولۋى مۇمكىن.

عالىمدار ەۆەرەست بيىكتىگىن ولشەۋدە ءداستۇرلى جانە زاماناۋي تەحنولوگيانى قاتار قولدانعان. 1955 -جىلى داستۇرلى تريگونومەتريالىق ادىسپەن شىڭنىڭ بيىكتىگى ولشەنگەن. بۇل جولى زەرتتەۋشىلەر ءداستۇرلى ادىسپەن قاتار شىڭعا ارنايى سپۋتنيكتىك قۇرال ورناتىپ، تەك بىرنەشە سانتيمەترگە قاتەلەسۋى مۇمكىن زاماناۋي قۇرىلعىنى قولداندى.

ءداستۇرلى ءادىس شىڭنىڭ بيىكتىگىن ءدال كورسەتپەۋى مۇمكىن. وعان تابيعي دا، ادامي دا فاكتور اسەر ەتۋى مۇمكىن. ال زاماناۋي سپۋتنيكتىك قۇرىلعى تەك بىرنەشە سانتيمەرگە قاتەلەسۋى ىقتيمال. دەگەنمەن ەكى ءادىستى قاتار قولدانۋ ەۆەرەستتىڭ تۋرا بيىكتىگىن انىقتاۋعا كومەكتەسەدى.

نەپالداعى زۇلمات جەر سىلكىنىسى 2015 -جىلدىڭ ءساۋىر ايىندا بولدى. 8 مىڭنان استام ادام كوز جۇمىپ، 20 مىڭ تۇرعىن ءتۇرلى جاراقات الدى. كوپتەگەن عيمارات قۇلاپ، كولىك جولدارى مەن جارىق كوزدەرى ىستەن شىقتى. وسى ءبىر الاپات اپاتتان كەيىن گەولوگتار گيمالاي تاۋى بىرەر سانتيمەترگە شوككەنى جايلى دا ايتا باستادى. ال ەۆەرەست 3 سانتيمەترگە دەيىن تومەندەگەن بولۋى مۇمكىن دەگەن دەرەكتەر ايتىلۋدا.

massaget.kz

سوڭعى جاڭالىقتار