+7 (701) 759 90 19
-6 °С : نۇر-سۇلتان
-9 °С : الماتى
USD 425.59 EUR 505.43
RUB 5.61 CNY 64.83
جاڭالىقتار

فونوگراممامەن وتكەن كونسەرت بيلەت قۇنىنا دا اسەر ەتەدى

22 قازان 11:25
:ءبولىسۋ
فونوگراممامەن وتكەن كونسەرت بيلەت قۇنىنا دا اسەر ەتەدى

نۇر-سۇلتان. قازاقپارات - كورەرمەنگە فونوگراممانى پايدالانۋمەن وتەتىن كونسەرتكە بيلەت ساتىپ الۋ نەمەسە ودان باس تارتۋ مۇمكىندىگى بەرىلەدى.

بۇل تۋرالى سەناتتىڭ جالپى وتىرىسىندا ق ر مادەنيەت جانە سپورت ءمينيسترى اقتوتى رايىمقۇلوۆا ايتتى، دەپ حابارلايدى قازاقپارات ءتىلشىسى.

وتىرىستا ءماجىلىس ماقۇلداعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى جونىندە بايانداما جاساعان ءمينيستردىڭ ايتۋىنشا، كونسەرتتىك ويىن-ساۋىق ءىس-شارالارىن وتكىزۋ كەزىندە تۋىندايتىن ءبىرقاتار پروبلەمالار بار. ورىنداۋشىلار تاراپىنان كونسەرتتەر وتكىزۋ كەزىندە ادەپسىز مىنەز-قۇلىق كورسەتۋ، ساحنادا ۇقىپىز شىعۋ ءۇردىسى ورىن العان، جوسپارلانعان كونسەرتتەردى بۇزۋ، ادەپسىز سوزدەرى بار رەپەرتۋار تاڭداۋ، كورەرمەندەردى حاباردار ەتپەي فونوگراممانى پايدالانۋعا جول بەرىلگەن ءبىرقاتار ورىن العان فاكتىلەر دە كەزدەسەدى.

«وسى ورايدا، زاڭ جوباسى اياسىندا زاڭنامالىق دەڭگەيدە ورىنداۋشىلاردىڭ وسىنداي مىنەز-قۇلقىنا جول بەرمەۋ بويىنشا ءبىرقاتار مىندەتتەمەلەردى ەنگىزۋ ارقىلى وسى ماسەلەلەردى بارىنشا رەتتەۋگە تىرىستىق. ولاردىڭ ىشىندە ماڭىزدى نورمالاردىڭ ءبىرى - مۋزىكالىق شىعارمالاردى ورىنداۋشىلارىنىڭ فونوگراممالاردى قولدانۋى تۋرالى كورەرمەندى حابارلاۋ. فونوگراممالاردى پايدالانۋ ءتارتىبىن زاڭعا تاۋەلدى اكتىدە ايقىندالاتىن بولادى. بارلىق جارنامالىق ونىمدەردە جانە كاسسالار جانىندا مىندەتتى تۇردە فونوگراممانى پايدالانۋ بويىنشا حابارلاما بەرىلەدى. بۇل كورەرمەنگە فونوگراممانى پايدالانۋمەن وتەتىن كونتسەرتكە بيلەت ساتىپ الۋ نەمەسە ودان باس تارتۋ تاڭداۋىنا مۇمكىندىك بەرەدى جانە بيلەتتىڭ قۇنىنا دا اسەر ەتەدى»، - دەدى اقتوتى رايىمقۇلوۆا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات