+7 (701) 759 90 19
-6 °С : نۇر-سۇلتان
-9 °С : الماتى
USD 425.59 EUR 505.43
RUB 5.61 CNY 64.83
جاڭالىقتار

دەنە ءبىتىمى مۇلدەم ۇقسامايدى: قونايەۆتىڭ جيەنى ەسكەرتكىشكە قاتىستى پىكىر ءبىلدىردى

22 قازان 07:51
:ءبولىسۋ
دەنە ءبىتىمى مۇلدەم ۇقسامايدى: قونايەۆتىڭ جيەنى ەسكەرتكىشكە قاتىستى پىكىر ءبىلدىردى

تالدىقورعان. قازاقپارات - مەملەكەت قايراتكەرى دىنمۇحامەد قونايەۆتىڭ ەسكەرتكىشىنە جيەنى جانار مۇقاجانوۆا ءوز ويىن ءبىلدىردى، دەپ حابارلايدى قازاقپارات ءتىلشىسى .

«بۇل قايدان كەلگەن ءمۇسىنشى دەپ قالدىق. ەڭ بولماعاندا تۋىستارىنان رۇقسات سۇراماي ما؟ اقىلداسپاي ما؟ مەنىڭ ويىمشا مۇلدەم الىپ تاستاپ، باسقاشا قويۋ كەرەك»، - دەيدى د. قونايەۆتىڭ جيەنى جانار مۇقاجانوۆا.

ەستەرىڭىزگە سالا كەتەيىك، الماتى وبلىسىنىڭ باقاناس اۋىلىندا مەملەكەت قايراتكەرى دىنمۇحامەد قونايەۆقا ەسكەرتكىش قويىلدى. الايدا بۇل ءمۇسىن كوپشىلىكتىڭ نارازىلىعىن تۋعىزدى. حالىقتىڭ ايتۋىنشا، ەسكەرتكىشتىڭ ءپىشىنى مەن كولەمى ساي ەمەس.

«بۇل - قازاق ەلىنىڭ قالىپتاسۋىنا قوماقتى ۇلەس قوسقان ساياساتكەردى كەلەكە ەتۋ» دەيدى تۋىستارى.

زاڭعار تۇلعانىڭ تۋعان وڭىرىندە تاس ءمۇسىننىڭ تۇعىرعا قويىلعان ءساتى الەۋمەتتىك جەلىدە دە قىزۋ تالقىلانىپ جاتىر. سالماعى 14 توننا تاس ءمۇسىندى تۇعىرىنا قوندىرىپ حالىقتىڭ سۇيىنشىلەي باستاعانى سول-اق ەدى، ەسكەرتكىش ەلدىڭ قاتاڭ سىنىنا ۇشىرادى.

بىردەن ايتۋ كەرەك. ەسكەرتكىشكە بيۋجەتتەن قارجى بولىنگەن جوق. اۋىزبىرلىك تانىتقان حالىقتىڭ ىقىلاسى. الايدا قوعامدىق قور جەرگىلىكتى بيلىكپەن كەلىسپەي تۇعىرعا قوندىرعان.

«الەۋمەتتىك جەلىگە شىققان ەسكەرتكىش سۋرەتتەرى مەن بىزگە ۇسىنىلعان ەسكيز جوباداعى سۋرەتتەردىڭ ايىرماشىلىعى انىقتالىپ، ارنايى جۇمىسشى توپ قۇرىلىپ، بالقاش اۋدانى باقاناس اۋىلىنا ءىس ساپارعا جىبەرىلدى»، - دەيدى الماتى وبلىستىق مادەنيەت باسقارماسى باسشىسىنىڭ ورىنباسارى ءاليا جاقىپبەكوۆا.

سىنعا ۇشىراعان ەسكەرتكىش سالتاناتتى تۇردە اشىلىپ ۇلگەرگەن جوق. تۇعىرىنان الىناتىن بولدى. جالپى زاڭ بويىنشا مادەنيەت جانە سپورت مينيسترلىگىنىڭ ارنايى كەلىسىمى شىقپاي، ءوز ەركىمەن ەسكەرتكىش قويۋعا رۇقسات جوق.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات