شەتەلدىك عالىم قازاقستاندا كوروناۆيرۋستىڭ شارىقتاۋ شەگى قاشان بولاتىنىن بولجادى

ونلاين سۇحبات الاڭىنا شەتەلدىك ماماندار كوروناۆيرۋسپەن كۇرەستە جيناقتاعان تاجىريبەلەرىمەن ءبولىستى، دەپ حابارلايدى قازاقپارات ءتىلشىسى.

ايتا كەتۋ كەرەك، عىلىمي كونفەرەنسيا اكادەميك، عالىم قازاقستان تاعام تانۋ ينستيتۋتىنىڭ پرەزيدەنتى تورەگەلدى شارمانوۆتىڭ 90 جىلدىق مەرەيتويىنا ارناپ ۇيىمداستىرىلدى. سەسسيا بارىسىندا ا ق ش- تاعى دەنساۋلىقتى باعالاۋ جانە كورسەتكىشتەر ينستيتۋتىنىڭ ديرەكتورى كريستوفەر ميۋررەي بايانداما وقىدى. امەريكاندىق عالىم COVID-19 قازاقستانعا قاتىستى بولجامىن ايتتى.

كريستوفەر ميۋررەي COVID-19 بولجامىن مودەلدەۋمەن اينالىسادى. ونىڭ مودەلدەۋ جۇمىسى بۇكىل الەمنىڭ قىزىعۋشىلىعىن تۋدىرىپ وتىر. كريستوفەر ميۋررەي ا ق ش تاعى COVID-19 100 پايىزدىق ىقتيمال مودەلىن جاساپ شىعارعان. وسى ماقساتتا ول كۇندەلىكتى شىعىپ جاتقان ناۋقاستار سانىنا، ءولىم ءجىتىم كورسەتكىشىنە، ءار ەلدە ەنگىزىلىپ جاتقان شەكتەۋ شارالارىنا قاتىستى ماعلۇمات جيناپ جاتىر. كريستوفەر ميۋررەيدىڭ بولجاۋىنشا، الەمدە اۋرۋدىڭ شارىقتاۋ شەگى 1- اقپاندا بولماق. قازاقستاندا ۆيرۋستىڭ بەلسەندى تارالۋى 2021 -جىلدىڭ ناۋرىزىندا بولادى.

«جاھاندىق دەڭگەيدە 1- اقپاندا COVID-19-دان بولاتىن ءولىم كۇنىنە 30 مىڭعا جەتەدى دەپ وتىرمىز. ەۋروپادا 100 ادامعا شاققاندا ءولىم كورسەتكىشى 7500 بولادى. قازاقستاندا اۋرۋدىڭ شارىقتاۋ شەگى شىلدەدە بولدى. قىستا بۇل كورسەتكىش كەشىرەك اقپاننىڭ اياعى، ناۋرىزدىڭ باسىندا بولادى دەپ بولجاپ وتىرمىز»، - دەدى كريستوفەر ميۋررەي.

ساراپشى الەم ەلدەرىندەگى موبيلدىلىك كارتاسى تۋرالى ايتىپ بەردى. بۇل گرافيكا ۇيالى بايلانىس وپەراتورلارىنىڭ مالىمەتتەرى بويىنشا جاسالعان. ديناميكالىق كورسەتكىشتە ادامداردىڭ كارانتينگە دەيىنگى قوزعالىسىنا قالاي قايتىپ كەلە جاتقانى كورسەتىلگەن. قازاقستان بۇل كارتادا قىزىل تۇسپەن كورسەتىلگەن. ياعني، ەلدەگى ادامداردىڭ كوشىپ قونۋ قارقىنى ءالى دە تومەن ەكەنىن كورسەتسە كەرەك. اسىرەسە، ورتالىق قازاقستان حالقى ءتارتىپتى ۇستانىپ كەلەدى.

«قازاقستان ادەتتەگى كورسەتكىشپەن سالىستىرعاندا 10 پايىز ۇستاپ تۇر. ماسەلەن يرلانديادا قازىر قوزعالىس 35 پايىزدى كورسەتىپ تۇر. ورتالىق ازيانىڭ كوپ ەلدەرى، ورتالىق جانە شىعىس ەۋروپا ەلدەرىندە ءالى دە سول پاندەميانىڭ شارىقتاۋ شەگىندەگى قوزعالىس كورسەتكىشى ساقتالعان»، - دەدى كريستوفەر ميۋررەي.