10:43, 20 - قازان 2020 | GMT +6
الەم چەمپيونى بەكزات نۇرداۋلەتوۆ كاسىپقوي بوكستاعى العاشقى جەكپە- جەگىنە شىعادى
نۇر-سۇلتان. قازاقپارات - 22 جاستاعى بەكزات نۇرداۋلەتوۆ «SULEIMEN Promotions» كومپانياسى 31- قازان اتىراۋدا وتكىزەتىن بوكس كەشىندە كاسىپقوي رينگتە ءبىرىنشى جەكپە-جەگىن وتكىزەدى.
بۇل شوۋدا شەتەلدىك جانە قازاقستاندىق بوكسشىلار ونەر كورسەتەدى. كورەرمەنسىز وتەتىن بوكس كەشى «حابار» ارناسىنان تىكەلەي كورسەتىلەدى.
بۇل كەشتە كاسىپقوي رينگتەگى ءبىرىنشى جەكپە-جەگىنە دانيلا سەمەنوۆ پەن 2017-جىلعى ازيا چەمپيوناتىندا جۇلدەلى بولعان ابىلايحان ءجۇسىپوۆ تە شىعادى.
نۇرداۋلەتوۆ پەن ءجۇسىپوۆ - قازاقستان قۇراماسىنىڭ كوشباسىشلارى ەكەنىن ايتا كەتەيىك، مۇنىڭ الدىندا ولار وليمپياداعا جولدامانى جەڭىپ العان. ال اتىراۋدا ولار وليمپيادا كوميتەتىنىڭ رۇقساتىمەن جۇدىرىقتاسادى. قازاقستان قۇراماسى بوكسشىلارىنىڭ قارسىلاستارى كىم ەكەنى ازىرگە بەلگىسىز.