21:58, 19 - قازان 2020 | GMT +6
جانىبەك ءالىمحان ۇلى بۇكىل الەمدىك بوكس ۇيىمىنىڭ رەيتينگىندە ەڭ مىقتى بوكسشىلاردىڭ ۇشتىگىنە كىردى
نۇر-سۇلتان. قازاقپارات - ورتا سالماقتاعى قازاقستاندىق پروسپەكت جانىبەك ءالىمحان ۇلى (9-0، 5 ك و) بۇكىل الەمدىك بوكس ۇيىمىنىڭ (WBO) رەيتىنگىندەگى ەڭ مىقتى بوكسشىلار ۇشتىگىنە كىردى، دەپ حابارلايدى Vesti.kz.
«وتە قۋانىشتى جاڭالىق. جانىبەك ءالىمحان ۇلى WBO تۇجىرىمى رەيتينگى بويىنشا ءبىر ساتى جوعارىلادى. قازىر QAZAQ STYLE الەم بويىنشا 3- ورىندا!»، - دەپ جازىپتى بوكسشى Instagram جەلىسىندە.
تىزىمدە ءبىرىنشى مەكسيكالىق حايمە مۋنگيا، ەكىنشى بريتانيالىق ليام ۋيليامس تۇر.
ەسكە سالايىق، ءالىمحان ۇلى سوڭعى رەت 10- قازان لاس-ۆەگاستا جۇدىرىقتاسىپ، ارگەنتينالىق گونسالو كوريانى (16-4، 6 ك و) ەكىنشى راۋندتا-اق نوكاۋتقا تۇسىرگەن.