+7 (701) 759 90 19
-7 °С : نۇر-سۇلتان
-8 °С : الماتى
USD 425.59 EUR 505.43
RUB 5.61 CNY 64.83
جاڭالىقتار

ءال- فارابي مەرەيتويى ءبىرقاتار ەلدەردە ءوتىپ جاتىر

19 قازان 20:33
:ءبولىسۋ
ءال- فارابي مەرەيتويى ءبىرقاتار ەلدەردە ءوتىپ جاتىر

نۇر- سۇلتان. قازاقپارات - حالىقارالىق تۇركى اكادەمياسى ەلوردادا «جىبەك جولىنداعى وركەنيەتتەر ۇندەستىگى» اتتى حالىقارالىق فورۋم وتكىزدى، دەپ حابارلايدى قازاقپارات ءتىلشىسى.

اكادەميا پرەزيدەنتى دارحان ءقىدىرالىنىڭ ايتۋىنشا، بۇل القالى جيىن پاريجدە يۋنەسكو- نىڭ شتاب- پاتەرىندە ءوتۋى ءتيىس ەدى.

«الايدا، جاھاندى جايلاعان الەمدىك پاندەميادان جيىندى ونلاين رەجىمدە وتكىزۋگە ءماجبۇر بولدىق. سوعان قاراماستان، كوپتەگەن حالىقارالىق ۇيىمداردىڭ جەتەكشىلەرى مەن 30 دان استام ەلدىڭ تانىمال عالىمدارى قاتىسىپ وتىر. فارابتان شىققان ويشىلدىڭ مەرەيلى داتاسىنا وراي، ق ر پرەزيدەنتى قاسىم- جومارت توقايەۆتىڭ جارلىعىمەن «فارابي جىلى» دەپ جاريالاندى. ارنايى مەملەكەتتىك كوميسسيا قۇرىلىپ، كوپتەگەن جۇمىستار اتقارىلدى. مەملەكەتتىك كوميسسيا ءتوراعاسى، قر مەملەكەتتىك حاتشىسى قىرىمبەك كوشەربايەۆ ارنايى قاتىسىپ وتىر»، - دەدى دارحان قىدىرالى ۇلتتىق اكادەميالىق كىتاپحانادا وتكەن جيىننىڭ اشىلۋىندا.

ونىڭ ايتۋىنشا، فارابي تانۋ زەرتتەۋلەرى، فارابيعا قاتىستى جيىندار پاندەمياعا بايلانىستى ونلاين رەجيمدە ءتۇرلى مەملەكەتتەردە، سونىڭ ىشىندە يسلام ەلدەرىندە ءوتىپ جاتىر.

«بۇگىنگى جيىننىڭ ءبىر ماڭىزى - وڭتۇستىك كورەيادان باستاپ، ءۇندىستان، پاكىستان، قيىر شىعىس، تاياۋ شىعىس، ەۋروپا، افريكا سىندى ءتورت قۇرلىقتىڭ عالىمدارى قاتىسىپ وتىر. مۇنىڭ ءوزى ءال- ءفارابيدىڭ ادامزاتقا ورتاق جانە ۇلكەن وركەنيەتتىڭ نەگىزىن قالاعان تۇلعا ەكەنىن كورسەتەدى. بارشاسى دىنىنە، تىلىنە قاراماستان ءال- فارابي ۇسىنعان «قايىرىمدى قالا» جانە «ادام باقىتى» دەگەن ۇلكەن يدەياعا تىرەلىپ تۇر. قازىرگى ۋاقىتتا بۇل وزەكتى. سوندىقتان، كەمەل كىسىلىك نەمەسە قايىرىمدى قوعام توڭىرەگىندە عالىمدار ءوز ۇسىنىستارىن ايتادى دەپ ويلايمىن»، - دەيدى د. قىدىرالى.

ونلاين رەجيمدە جيىنعا يران يسلام رەسپۋبليكاسىنىڭ عىلىم، زەرتتەۋلەر جانە تەحنولوگيا ءمينيسترى مانسۋر گولامي، يسەسكو باس حاتشىسى ساليم ءال- ماليك، يىۇ جانىنداعى عىلىم- تەحنولوگيالار جونىندەگى تۇراقتى كوميتەت ديرەكتورى مۋحاممەد يكبال چاۋداري، تۇركيا پرەزيدەنتىنىڭ باس كەڭەسشىسى يالچىن توپچۋ جانە حالىقارالىق ۇيىمداردىڭ جەتەكشىلەرى، ديپلوماتتار، بەلگىلى فارابيتانۋشى عالىمدار قاتىستى. سونىمەن بىرگە، سپيكەر حالىقارالىق تۇركى اكادەمياسىنىڭ ءال- فارابي مەرەيتويىنا قاتىستى قانداي شارالار اتقارعانىن باياندادى.

«تۇركى اكادەمياسىنا مۇشە ەلدەردە ءال- فارابيگە قاتىستى ءبىراز شارا ءوتتى. ءال- ءفارابيدىڭ اراب تىلىندەگى كلاسسيكالىق ەڭبەگىن ورىس جانە قازاق تىلدەرىنە اۋدارىپ شىقتىق. تاياۋ كۇندەرى ونىڭ تۇساۋكەسەرى بولەك وتەدى. سونىمەن بىرگە، ءبىرقاتار ەلدەردە وتەتىن جيىندارعا قاتىسامىز. مىسالى، يسلامابادتا جانە تۇركيادا ۇلكەن جيىن وتكەلى جاتىر. سولاردىڭ بارلىعىنا اكادەميا ءوز تاراپىنان قاتىسا بەرەدى. سەبەبى، ءال- فارابي ادامزاتتىق مۇسىلماندىق الەم دەگەنمەن، ءبىرىنشى كەزەكتە ءال- فارابيدىڭ تۇركى الەمىنىڭ تۇعىرلى تۇلعاسى ەكەنى بەلگىلى. سوندىقتان، تۇركى اكادەمياسى بيىلعى ءال- فارابي جىلىندا شارالار اتقارا بەرەدى»، - دەدى دارحان قىدىرالى.


بۇعان دەيىن ق ر مەملەكەتتىك حاتشىسى، ق ر مەملەكەتتىك حاتشىسى، ءابۋ ناسىر ءال- ءفارابيدىڭ 1150 جىلدىعىن وتكىزۋ جونىندەگى مەملەكەتتىك كوميسسيا ءتوراعاسى قىرىمبەك كوشەربايەۆ ۇلى ويشىلدىڭ مەرەيتويى قالاي تويلانعانىن ايتىپ بەرگەن ەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات