كينوتەاترلار جۇمىسىن باستايدى: ق ر ۇكىمەت جانىنداعى كوميسسيا جاڭا شەشىمدەر قابىلدادى

اتاپ ايتقاندا، ۆەدومستۆوارالىق كوميسسيانىڭ شەشىمىمەن: ءى. شەكارادان وتكىزۋ پۋنكتتەرىندە سانيتارلىق- ەپيدەميولوگيالىق باقىلاۋدى كۇشەيتىلەدى - 2020 -جىلعى 26-قازاننان باستاپ شەت ەلدەردەگى ەپيدەميولوگيالىق احۋالدى ەسكەرۋمەن شەتەلگە ۇشاتىن اۋە رەيستەرىنىڭ سانى قىسقارتىلادى؛

- قازاقستان اۋماعىنا كەلگەندەردىڭ بارلىعى (سونىڭ ىشىندە ق ر ازاماتتارىن)، سونداي- اق ەكىجاقتى حالىقارالىق تاسىمالداردى جۇزەگە اسىراتىن جۇرگىزۋشىلەر مىندەتتى پتر- تەستىدەن وتكىزىلەدى؛

- شەتەلدەن كەلۋشىلەرگە، ونىڭ ىشىندە ق ر ازاماتتارى ءۇشىن دە پ ت ر- تەستىدەن وتكەنى تۋرالى انىقتامانىڭ جارامدىلىق مەرزىمى 3 كۇنگە دەيىن بەلگىلەندى.

II. پ ت ر- تەستىلەۋ 2020 -جىلعى 19-قازاننان باستاپ قر وڭىرلەرىندەگى زەرتحانالاردا پ ت ر- تەستىلەۋ قۇنى 9 مىڭ تەڭگەگە دەيىن تومەندەتىلدى.

III. سىرقات تانۋشىلىق ءوسىمى بولماعان جاعدايدا، تۇراقتى ەپيدەميولوگيالىق احۋالى بار «جاسىل» وڭىرلەردە بيزنەس سۋبەكتىلەرىنىڭ قىزمەتى كەزەڭ- كەزەڭىمەن قايتا جانداندىرىلادى؛

- 2020 -جىلعى 24-قازاننان باستاپ سەنبى كۇندەرى ساعات 17:00 گە دەيىن س و س و، ساۋدا ۇيلەرى، جابىق بازارلار جۇمىس ىستەي باستايدى؛

- بيىلعى 26-قازاننان باستاپ كينوتەاترلار قاشىقتىقتى جانە ماسكا تاعۋ رەجيمىن ساقتاي وتىرىپ، %30 دان اسپايتىن تولىعۋمەن جۇمىسىن قايتا باستايدى.

IV. شەكتەۋ شارالارىن ساقتاۋ مەكتەپكە دەيىنگى بالالار مەكەمەلەرىنىڭ، بيليارد جانە كومپيۋتەر كلۋبتارىنىڭ، ويىن- ساۋىق مەكەمەلەرىنىڭ، بانكەت زالدارىنىڭ، تۇنگى كلۋبتاردىڭ قىزمەتىنە سالىنعان تىيىم ساقتالادى؛

- وبلىسارالىق جولاۋشىلار تاسىمالدارىنا جانە ورتاق ۆاگونداردى قۇرۋعا تىيىم سالۋ جالعاسادى.