قازاقستان تۇرمەلەرىندە «ەلەكتروندى دۇكەن» ەنگىزىلدى

بۇل تۋرالى ق ر ىشكى ىستەر مينيسترلىگى قىلمىستىق اتقارۋ جۇيەسى كوميتەتىنىڭ ءتوراعاسى، پوليتسيا پولكوۆنيگى جانات ەشماعامبەتوۆ ايتتى، دەپ حابارلايدى قازاقپارات ءتىلشىسى.

ونىڭ سوزىنە قاراعاندا، ق ا ج جۇيەسىن دامىتۋ جونىندەگى باعدارلامالىق قۇجاتتار اياسىندا سوتتالعانداردىڭ قۇقىقتىق جانە ۇستاۋ جاعدايىن جاقسارتۋعا، سيفرلاندىرۋعا جانە جۇيەنىڭ اشىقتىعىنا باعىتتالعان جۇمىستار اتقارىلىپ جاتىر.

«باس بوستاندىعىنان ايىرۋ ورىندارىنداعى ادامداردىڭ ەلەكتروندى تۇردە شاعىم جولداۋ قۇقىعى ەنگىزىلدى. ءىس جۇزىندە ءاربىر مەكەمەگە پروكۋراتۋراعا، ودان ارى سوتقا جانە جەمقورلىققا قارسى قىزمەتكە شاعىم جاساۋ ءۇشىن ەلەكتروندى تەرمينالدار ورناتىلادى. جاڭا تەحنولونيالاردان رۇقسات بەرىلگەن تاماق، كيىم، كىتاپ سەكىلدى ءتۇرلى تاۋارلار مەن زاتتارعا تاپسىرىس بەرۋ ءۇشىن «ەلەكتروندى دۇكەن» تەحنولوگياسى ەنگىزىلۋدە»، - دەدى ول.

سونىمەن قاتار كوميتەت باسشىسىنىڭ ايتۋىنشا، سوتتالۋشىلار مەن ولاردىڭ تۋىستارىنىڭ بەينەكەزدەسۋلەرى دە ۇيىمداستىرىلىپ وتىر. مەكەمەلەردەگى بەينەكەزدەسۋلەر كارانتين كەزىندە ءوز تيىمدىلىگىن كورسەتتى ولاردىڭ سانى 33 مىڭعا جەتتى.

«ءوز كەزەگىندە، ىشكى ىستەر ءمينيسترىنىڭ تاپسىرماسىمەن بەينەبايلانىس ارقىلى كەزدەسۋلەردىڭ جانە سوتتالعاندارعا جولداناتىن ساۋقاتتاردىڭ سانى 14-تەن 20 كەلىگە دەيىن ۇلعايعانىن اتاپ وتكىم كەلەدى»، - دەيدى جانات ەشماعامبەتوۆ.

اۆتور: مارلان جيەمباي