قوجا احمەت ياساۋيگە قاتىستى تىڭ دەرەكتەر ىزدەستىرۋدى قولعا العان جوبا باستالدى

جوبانىڭ ماقساتى - تۇركى الەمىنىڭ تۇلعاسى قوجا احمەت ياساۋي تاريحىن دارىپتەۋ، بالالىق شاعىنان باستاپ شاكىرتتەرىنە دەيىنگى تولىققاندى مالىمەتتەردى توپتاستىرۋ، تىڭ دەرەكتەر ىزدەۋ، ناسيحاتتاۋ.

«وسى ورايدا قوجا احمەت ياساۋيدىڭ باباسى ماحمۇت شايىق، اكەسى يبراحيم، اناسى قاراشاش، ەڭ العاشقى ۇستازى اق اتا جەرلەنگەن كەسەنەلەرىنە تاعزىم ەتىپ، تاريحىمەن تانىسۋ جۇمىستارى جۇرگىزىلۋدە. سونىمەن قاتار، ماحمۇت شايىقتىڭ اۋلەتى، ياعني يبراھيم اتا مەن قاراشاش انانىڭ وتباسى قونىستانعان، احمەت ياساۋيدىڭ كىندىك قانى تامىپ، بالالىق شاعى وتكەن قاراشاڭىراق ورنىندا دا ءتۇسىرىلىم جۇمىستارى جۇرگىزىلدى. ساپار بارىسىندا سايرام تاريحى مۋزەيى جانە تاريحشىلار مەن كونەكوز قاريالاردان دا تىڭ دەرەكتەر جيناستىرىلدى»، دەلىنگەن حابارلامادا.

باسپاءسوز قىزمەتىنىڭ مالىمەتىنشە، الداعى ۋاقىتتا، ياساۋيدىڭ ۇستازدارى مەن قازاقستانداعى جانە شەتەلگە تارالعان ءىزباسارلارى جايلى زەرتتەۋ جۇمىستارى مەن تۇسىرىلىمدەر جالعاسىن تابادى.

ايتا كەتەرلىگى، «ياساۋي ىزىمەن» جوباسىنىڭ اۆتورى - «ازىرەت سۇلتان» مەملەكەتتىك تاريحي- مادەني قورىق- مۋزەيىنىڭ ديرەكتورى نۇربولات احمەتجانوۆ.

فوتو: azretsultan.kz