+7 (701) 759 90 19
-7 °С : نۇر-سۇلتان
-8 °С : الماتى
USD 425.59 EUR 505.43
RUB 5.61 CNY 64.83
جاڭالىقتار

قازاقستاندىق فيلم ۆارشاۆا كينوفەستيۆالىنىڭ باس جۇلدەسىن جەڭىپ الدى

18 قازان 15:49
:ءبولىسۋ
قازاقستاندىق فيلم ۆارشاۆا كينوفەستيۆالىنىڭ باس جۇلدەسىن جەڭىپ الدى

ۆارشاۆا. قازاقپارات - رەجيسسەر فارحات ءشارىپوۆ تۇسىرگەن «18 كيلوگەرتس» اتتى كوركەم فيلم قازاق كينوسىنىڭ تاريحىندا العاش رەت 36- حالىقارالىق ۆارشاۆا كينوفەستيۆالىنىڭ باس جۇلدەسىن جەڭىپ الدى.

بۇل تۋرالى كەشە فەستيۆالدىڭ جابىلۋ سالتاناتىندا بەلگىلى بولدى، دەپ حابارلايدى قازاقپارات. ماراپاتتاۋ ءراسىمى كەزىندە تىكەلەي ەفيرگە قوسىلعان وتاندىق رەجيسسەر فارحات ءشارىپوۆ قۋانىشىن جاسىرماي، جۇلدەگە قول جەتكىزگەنىنە سەنبەي وتىرعانىن ايتتى.

- فەستيۆال ۇيىمداستىرۋشىلارىنا العىسىم شەكسىز. وسى قيىن كەزەڭدە كينوعا كوڭىل بولگەندەرىڭىزگە راحمەتىمدى ايتامىن. سونداي-اق فيلمگە تۇسكەن دەبيۋتانت- اكتەرلەرگە، تۋىندىمىزدىڭ پروديۋسەرىنە جانە كارتينانىڭ ءتۇسىرۋ توبىنا العىسىمدى ايتامىن، - دەيدى ول.

- فيلم بارلىق جۇلدەلەرگە لايىقتى. بۇل - وقيعانى شىناي باياندايتىن كەرەمەت تۋىندى. ءبىز تاماشالاعان 16 فيلمنىڭ ىشىنەن قايسىسى ۇزدىك ەكەنىن ءبىز، قازىلار القاسى، بىردەن تۇسىندىك. ءار قازىلار القاسىنىڭ مۇشەسى وزىنە ۇناعان ءۇش فيلمنىڭ ءتىزىمىن بەردى. بۇل ءتىزىمدى جاريالاعان سوڭ باس جۇلدە كىمگە بۇيىراتىنىن بىردەن تۇسىندىك، ويتكەنى ءار قازىلار القاسى ءوز تىزىمىندە ءبىرىنشى ورىندا «18 كيلوگەرتس» فيلمىن بەلگىلەگەن ەكەن، - دەدى حالىقارالىق قازىلار القاسىنىڭ مۇشەسى، ليتۆانىڭ مادەنيەت ءمينيسترى ليانا رۋوكيتە-يونسسون.


ەستەرىڭىزگە سالا كەتسەك، «18 كيلوگەرتس» - 90-جىلداردىڭ سوڭىنداعى جاسوسپرىمدەردىڭ ومىرىنەن سىر شەرتەتىن فيلم. فيلمنىڭ ءتۇسىرۋ جۇمىستارى الماتى قالاسىندا جۇرگىزىلدى. باستى رولدەردى مۇساحان جۇماحان، الىبەك ادىكەن، كاميلا فۋن-سو ەسىمدى جاس دەبيۋتانت- اكتەرلەر سومدادى. الەمدەگى ەڭ بەدەلدى كينو بايقاۋلاردىڭ ءبىرى - ۆارشاۆاداعى حالىقارالىق كينوفەستيۆال 1985 -جىلى نەگىزى قالانعان بولاتىن. حالىقارالىق كينوپروديۋسەرلەر قاۋىمداستىعىنىڭ فەدەراتسياسى شەشىمىمەن 2009 -جىلى بۇل فەستيۆالگە «ا» ساناتى بەرىلگەن بولاتىن.

بيىل، كوروناۆيرۋس ىندەتى سالدارىنان دۇنيە جۇزىندە ورىن العان قيىن جاعدايعا قاراماستان ۆارشاۆا كينوفەستيۆالى قازاننىڭ 9 ى مەن 18 ى ارالىعىندا ادەتتەگى ءداستۇرلى فورماتتا ءوتتى. بۇعان دەيىن قازاقستاندىق رەجيسسەر فارحات ءشارىپوۆ تۇسىرگەن «18 كيلوگەرتس» جاڭا كوركەم فيلمنىڭ الەمدىك تۇساۋكەسەرى ورتالىق جانە شىعىس ەۋروپانىڭ ەڭ بەدەلدى فەستيۆالدەرىنىڭ ءبىرى - 36- حالىقارالىق ۆارشاۆا كينوفەستيۆالىنىڭ (WFF) نەگىزگى بايقاۋى شەڭبەرىندە وتەتىنىن حابارلاعان بولاتىنبىز.

اۆتور: بالنۇر قوجاگەلدى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات