ەلىمىزدە تاعى ءبىر ۋنيۆەرسيتەت ليتسەنزياسىنان ايىرىلدى
شەشىم جوعارى وقۋ ورنىندا ءبىلىم سالاسىنداعى زاڭنامانىڭ ساقتالۋى بويىنشا بىرنەشە رەت وتكەن تەكسەرۋدەن كەيىن قابىلداندى. سونىمەن قاتار بۇل شەشىم شىمكەنت قالاسىنىڭ مامانداندىرىلعان اۋدانارالىق اكىمشىلىك سوتى وتىرىسىنىڭ قورىتىندىسى بويىنشا شىعارىلدى، 10 جۇمىس كۇنى ىشىندە زاڭدى كۇشىنە ەنەدى.
وسى كەزەڭدە اكادەميك ا. قۋاتبەكوۆ اتىنداعى حالىقتار دوستىعى ۋنيۆەرسيتەتى سوت شەشىمىنە دە، مينيسترلىككە دە شاعىمدانۋعا قۇقىلى. ورىن العان بۇزۋشىلىقتار وقۋ ۇدەرىسىن ۇيىمداستىرۋ، تالاپكەرلەردى وقۋعا قابىلداۋ، ج و و-نى وقۋ- ادىستەمەلىك جانە عىلىمي ادەبيەتتەرمەن قامتاماسىز ەتۋ، تۇلەكتەردى جۇمىسقا ورنالاستىرۋ توڭىرەگىندە بولدى. ستۋدەنتتەر وقۋ سەمەسترىنىڭ اياقتالعانىن كۇتپەي-اق باسقا ج و و- لارعا اۋىسا الاتىنىن ايتا كەتكەن ءجون. ستۋدەنتتەردىڭ بارلىق وقۋ كورسەتكىشتەرى باسقا ج و و- لارعا اۋىسقان كەزدە جارامدى بولادى. اقىلى نەگىزدە وقيتىندار ءۇشىن وقۋ قۇنى بۇرىنعى دەڭگەيدە قالادى. ب ع م ءوز تاراپىنان كومەكتەسەدى.
«ءبىز ستۋدەنتتەر مەن اتا-انالاردىڭ مۇنداي شارالار، ەڭ الدىمەن، ستۋدەنتتەردىڭ وزدەرىنىڭ مۇددەلەرىن ەسكەرە وتىرىپ، قابىلداناتىنىن تۇسىنگەنىن قالايمىز. ەگەر جوعارى وقۋ ورىندارى ءبىلىم بەرۋ سالاسىنداعى تالاپتارعا سايكەس كەلمەسە، ديپلوم العاننان كەيىن بولاشاق ماماندار جۇمىسقا ورنالاسۋ پروبلەمالارىنا تاپ بولۋى مۇمكىن»، - دەيدى ق ر ب ع م ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ ءتورايىمى گۇلزات كوبەنوۆا.
اۆتور: بالنۇر قوجاگەلدى