قاراعاندىدا پوليتسيا كيىمىن كيىپ، توي قوناقتارىن قورقىتقان اسابا جازالانادى
پوليتسەي رولىندە تويدى تەكسەرۋگە كەلگەن اسابا جاۋاپكەرشىلىككە تارتىلدى، دەپ حابارلايدى قازاقپارات ءتىلشىسى.
ءتارتىپ ساقشىلارى پوليتسيا فورماسىن كيگەن ادامنىڭ اسابا ەكەنىن انىقتادى.
«پوليتسيا ءارقاشان ازىلگە، پارودياعا جانە سىندارلى سىنعا وڭ كوزبەن قارايدى. ءبىراق مۇنداي ۆيدەولار ىشكى ىستەر ورگاندارىنىڭ سانيتارلىق دارىگەرلەرمەن بىرگە كارانتيندى بۇزۋدىڭ الدىن الىپ، كوروناۆيرۋستىڭ تارالۋىنا توسقاۋىل بولۋعا تىرىسقان قىزمەتكەرلەرىنىڭ كۇش- جىگەرىن تومەندەتەدى. وسىلايشا، تامادا پوليتسيا قىزمەتكەرلەرىنىڭ بەدەلىن ءتۇسىرىپ، توي ۇيىمداستىرۋشىنىڭ قۇقىق بۇزۋىنا ىقپال ەتتى دەپ سانايمىز. بەلگىلەنگەن ەرەجەلەر مەن شەكتەۋلەردى ساقتاۋ - وتە ماڭىزدى. ال وتباسىلىق شارالاردى اينالاسىنداعىلارعا قاۋىپ توندىرمەي، از اداممەن عانا وتكىزۋگە بولادى»، - دەپ ءتۇسىندىردى قاراعاندى وبلىسى پ د باسپا ءسوز حاتشىسى جاناتاي سەمبەكوۆ.
قازىرگى ۋاقىتتا ق ر ا ق ب ت ك 675-بابى بويىنشا جالعان پوليتسەيلىك جاۋاپكەرشىلىككە تارتۋ تۋرالى ماسەلە قارالىپ جاتىر. مەرەكەنى ۇيىمداستىرۋشىعا قاتىستى ماتەريال ق ر ا ق ب ت ك 425-بابى بويىنشا اكىمشىلىك جاۋاپكەرشىلىككە تارتۋ ءۇشىن ءتيىستى مەكەمەگە جولدانعان.
اۆتور: اگاتا مۋحامەدجانوۆا