ادىلەت مينيسترلىگى ديپلوم تاراتۋمەن اينالىساتىن ج و و- لارعا قاتىستى ناقتى ۇسىنىستار ەنگىزبەك
ەسكە سالا كەتسەك، ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا ق ر پرەزيدەنتى قاسىم- جومارت توقايەۆ ديپلوم باسىپ بەرە بەرەتىن جوعارى وقۋ ورىندارىن جابۋ قاجەتتىگىن ايتقان بولاتىن. وسى ماسەلەگە قاتىستى ادىلەت مينيسترلىگىنىڭ القا ماجىلىسىندە نۇر- سۇلتان قالاسى ادىلەت دەپارتامەنتىنىڭ باسشىسى الان تىلەنشييەۆ ۇسىنىس ءبىلدىردى.
«مەملەكەت باسشىسىنىڭ جولداۋىن جۇزەگە اسىرۋ اياسىندا ءبىز توقسان سايىن اتتەستاتتاۋ وتكىزەمىز. پرەزيدەنت ءوز سوزىندە «ديپلوم باسىپ شىعاراتىن» ج و و- لاردىڭ جۇمىسىن توقتاتۋدى تاپسىرعان ەدى. وسى اتتەستتاۋ اياسىندا ءبىز ءبىلىم جانە عىلىم مينيسترلىگىمەن جۇمىس جۇرگىزىپ، وسىنداي ستۋدەنتتەردىڭ ءتىزىمىن بەرگەن دۇرىس بولار ەدى. سەبەبى زاڭگەرلىك ماماندىق تۋرالى دىم بىلمەيتىن ستۋدەنتتەر دە بار. ولاردىڭ دايىندىعى دا وتە ناشار»، - دەدى الان تىلەنشيەۆ ءوز كەزەگىندە ادىلەت ءمينيسترى مارات بەكەتايەۆ بۇل ۇسىنىستى قولداپ، ءبىلىم جانە عىلىم مينيسترلىگىنە ءتيىستى حات جولداناتىنىن ءمالىم ەتتى.
اۆتور: ايان بەكەن ۇلى