ۇلتتار ليگاسى: قازاقستان قۇراماسى بەلارۋستەن جەڭىلدى

None
None
نۇر- سۇلتان. قازاقپارات - ءدال قازىر فۋتبولدان UEFA ۇلتتار ليگاسىندا قازاقستان قۇراماسىنىڭ سىرت الاڭداعى بەلارۋسپەن كەزدەسۋى اياقتالدى، دەپ حابارلايدى قازاقپارات ءتىلشىسى.

ويىن باسىنان ەكى قۇراما بىردەن شابۋىل شەبىنە شىقتى. قازاقستاندىق فۋتبولشىلاردىڭ ەسەپ اشاتىن بىرنەشە مۇمكىندىگى بولعان ەدى. دەگەنمەن ونى پايدالانا العان جوق. ەسەسىنە الاڭ يەلەرى ساپىنان ەۆگەنيي يابلونسكي مەرگەندىك تانىتتى. ال توقسان مينۋت تۇگەسىلەر تۇستا بەلارۋس فۋتبولشىسى رومان يۋزەپچۋك قورىتىندى ەسەپتى بەلگىلەدى. وسىلايشا الاڭ يەلەرى 2:0 ەسەبىمەن باسىم ءتۇستى.

ەكى قۇراما س ليگاسى ءتورتىنشى توبىندا سىنعا تۇسەدى. ولاردان وزگە البانيا جانە ليتۆا قۇرامالارى بار. العاشقى ءۇش تۋردا اتالعان توپتاعى ءتورت قۇراما بىردەي ۇپاي جينادى. سوندىقتان ءتورتىنشى تۋر قاي قۇرامانىڭ كوش باستايتىنىن انىقتاۋعا مۇمكىندىك جاسايتىن. ونى بەلارۋس پەن قازاقستان فۋتبولشىلارى جاقسى تۇسىنەتىن.

ەستەرىڭىزگە سالا كەتەلىك، قازاقستاندىق فۋتبولشىلار بۇعان دەيىن بەلارۋس قۇراماسىمەن ءتورت مارتە كەزدەستى. 2010 -جىلعى ەۋروپا چەمپيوناتىنا ىرىكتەۋ ساتىسىندا قازاقستاندىقتار اتالعان قارسىلاسىنا 1:5، 0:4 ەسەبىمەن جەڭىلىپ قالدى. ودان كەيىن 2011 -جىلى جولداستىق كەزدەسۋدە ەكى قۇراما 1:1 ەسەبىمەن تەڭ ءتۇستى. ال بيىلعى ۇلتتار ليگاسىندا قازاقستان قۇراماسى ءوز الاڭىندا اتالعان قارسىلاسىنا 1:2 ەسەبىمەن جول بەرىپ قويدى.

اۆتور: ءادىلجان ۇمبەت

سوڭعى جاڭالىقتار