قازاقستان يپوتەكالىق كومپانياسى مۇعالىم مەن دارىگەرگە ارنالعان جەكە جوبا ازىرلەدى

None
None
نۇر- سۇلتان. قازاقپارات - قازاقستان يپوتەكالىق كومپانياسى مۇعالىم مەن دارىگەردىڭ تۇرعىن ءۇي ماسەلەسىن شەشۋ ءۇشىن جەكە جوبا ازىرلەدى، دەپ حابارلايدى قازاقپارات ءتىلشىسى.

«قازاقستان يپوتەكالىق كومپانياسى» ي ۇ» ا ق كليەنتتەرگە قىزمەت كورسەتۋ ءبولىمىنىڭ باسشىسى اسەل كاكەتايەۆا نۇر- سۇلتان قالاسى اكىمدىگىنىڭ ونلاين باسپا ءسوز ءماسليحاتىندا ايتىپ بەردى. جاڭا جوبا بويىنشا مۇعالىمدەر جانە دارىگەرلەرگە تۇرعىن ءۇي بەرۋ بەرۋ باعدارلاماسىنىڭ جاڭا ءتارتىبى مەن ءۇيدىڭ قۇنى انىقتالعان.

«قازاقستان يپوتەكالىق كومپانياسى 2015 -جىلدان باستاپ 4 جىل شاماسىندا 18500-دەن استام جالعا الۋشى اراسىندا 1 ميلليون شارشى مەتردەن استام ءۇي جالعا بەردى. وسى الەۋمەتتىك باعدارلامانى تابىستى جۇزەگە اسىرۋ ارقاسىندا كومپانيا مۇعالىمدەر مەن دارىگەرلەردىڭ تۇرعىن ءۇي ماسەلەسىن شەشۋ ءۇشىن باعدارلامانىڭ جەكە جوباسىن ازىرلەپ، ۇسىندى»، - دەيدى اسەل كاكەتايەۆا.

ونىڭ ايتۋىنشا، وسى جوبانى ىسكە اسىرۋ بارىسىندا اتالعان كومپانيا بىرنەشە مينيسترلىكپەن كەلىسىپ، جاڭا جوباعا قول قويىلعان.

«ونىڭ ىشىندە ق ر ءبىلىم جانە عىلىم مينيسترلىگى مەن ق ر دەنساۋلىق ساقتاۋ مينيسترلىگىمەن بىرىگىپ جاڭا جوبا باستادىق. جاڭا جوبا بويىنشا مۇعالىمدەر جانە دارىگەرلەرگە تۇرعىن ءۇي بەرۋ بەرۋ باعدارلاماسىنىڭ جاڭا ءتارتىبى مەن ءۇيدىڭ قۇنى انىقتالدى. تاعى ءبىر ايتىپ وتەتىن جاعداي، 2019 -جىلى نۇر- سۇلتان قالاسى اكىمدىگى مۇعالىمدەر مەن دارىگەرلەرگە 244 پاتەر بەرۋگە شەشىم قابىلدانعان. ءبىزدىڭ باعدارلاماعا قاتىسۋ ءۇشىن ۇمىتكەرلەر جۇمىس ورنىنا قاجەتتى قۇجاتىن تاپسىرادى. قاتىسۋشىلاردىڭ ءتىزىمى اكىمدىك پەن مينيسترلىكتە قارالادى. نەگىزگى تىزىمدەر، تولەم قابىلەتتىلىگى «قازاقستان يپوتەكالىق كومپانياسىندا» قارالادى»، - دەيدى ول.

سونداي- اق، ول باعدارلامانىڭ نەگىزگى تالاپتارىن اتاپ ءوتتى. «ساتىپ الۋ قۇقىعىمەن جالعا الۋ مەرزىمى 20 جىلعا دەيىن. باستاپقى جارنا تالاپ ەتىلمەيدى. تۇرعىن ءۇي جالداۋ مەرزىمى اياقتالعاننان كەيىن ءۇي جالعا الۋشىنىڭ مەنشىگىنە وتەدى. كەز كەلگەن جالعا بەرىلەتىن تۇرعىن ءۇيدى مەرزىمىنەن بۇرىن ساتىپ الۋ ۇسىنىلادى. تولەم قابىلەتى راستالعان جاعدايدا كومپانيانىڭ سايتىنا كىرىپ، جالعا العىڭىز كەلەتىن پاتەردى تاڭداۋعا بولادى»، - دەيدى اسەل كاكەتايەۆا.

اۆتور: زارينا قاھارمان

سوڭعى جاڭالىقتار