فۋتبول: ءبىر-بىرىنە جۇدىرىق جۇمساعان قازاقستاندىق سپورتشىلار ويىننان شەتتەتىلدى
فەدەراتسيانىڭ باقىلاۋ-تارتىپتىك كوميتەتىنىڭ وتىرىسىندا «توبىل» مەن «جەتىسۋ» كوماندالارىنىڭ اراسىنداعى ويىن بارىسى تالقىلاندى. ناتيجەسىندە قوس كلۋبتىڭ فۋتبولشىلارى ويىنشىلارى سەنين سەباي مەن ولجاس كەرىمجانوۆ بەس ماتچقا شەتتەتىلدى.
«ويىن ەپيزودىنان تىس قارسىلاسىنا فيزيكالىق قىسىم كورسەتكەنى ءۇشىن، تورەشىنىڭ «جەتىسۋ» ف ك ويىنشىسى ولجاس كەرىمجانوۆ پەن «توبىل» ف ك ويىنشىسى سەنين سەبايعا ەسكەرتۋ تۇرىندە بەرگەن تارتىپتىك جازاسى بەس ماتچتىق ديسكۆاليفيكاتسياعا اۋىستىرىلدى. شەشىم ق ف ف تارتىپتىك ەرەجەلەرىنىڭ 44-بابى 1-تارماعىنىڭ 4-تارماقشاسىنا سايكەس قابىلداندى.
ديسكۆاليفيكاتسيا مەرزىمى 2020 -جىلدىڭ 12-قازانىندا كۇشىنە ەندى»، دەلىنگەن فۋتبول فەدەراتسياسىنىڭ رەسمي سايتىندا.
ايتا كەتەيىك، بۇل ماتچ قازاقستان پرەمەر-ليگاسىنىڭ 12-تۋرىندا ءوتتى. ويىن سوڭىنا تامان و. كەرىمجانوۆ پەن س. سەباي قاقتىعىسىپ قالعان. ماتچ 2:0 ەسەبىمەن «توبىلدىڭ» جەڭىسىمەن اياقتالدى.
اۆتور: قاسقىرباي قويشىمانوۆ