مەملەكەت باسشىسى قازاقستاندىق بىتىمگەرلەرگە العىس ءبىلدىردى

None
None
الماتى وبلىسى. قازاقپارات - تۇڭعىش پرەزيدەنت - ەلباسىنىڭ ءوزى تىكەلەي قۇرعان قارۋلى كۇشتەردىڭ بىتىمگەرشىلىك قىزمەتى ەلىمىزدىڭ بەيبىتشىلىك، حالىقارالىق قاۋىپسىزدىك جانە تۇراقتىلىق قاعيداتتارىنا ءىس جۇزىندە ساي كەلەدى.

بۇل تۋرالى قارۋلى كۇشتەردىڭ جوعارعى باس قولباسشىسى الماتى وبلىسىندا وتكەن كەشەندى بىتىمگەرشىلىك وقۋ- جاتتىعۋ جيىنىندا ايتتى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

پرەزيدەنت 2007 -جىلدان بەرى 35 قازاقستاندىق اسكەري قىزمەتشى، ونىڭ ىشىندە ءتورت ايەل ازامات ب ۇ ۇ- نىڭ نەپالداعى، كوت-د’يۆۋارداعى، باتىس ساحارا مەن ليۆانداعى ميسسيالارىنا شتاب وفيتسەرلەرى مەن اسكەري باقىلاۋشىلار رەتىندە قاتىسقانىن ايتتى. 2018 -جىلى ب ۇ ۇ مانداتى نەگىزىندە ارەكەت ەتەتىن العاشقى قازاقستاندىق روتانىڭ ليۆانعا جىبەرىلۋى ەلىمىزدىڭ بىتىمگەرشىلىك الەۋەتىن نىعايتۋ ءۇشىن جاسالعان ماڭىزدى قادام.

- قازىرگى ۋاقىتتا ءوز جاۋاپكەرشىلىك ايماعىنىڭ باقىلاۋ- وتكىزۋ بەكەتتەرىندەگى اسكەري مىندەتتەرىن قازاقستاندىق بىتىمگەرلەر روتاسىنىڭ ءتورتىنشى قۇرامى اتقارۋدا. ب ۇ ۇ بىتىمگەرشىلىك الەۋەتىنىڭ دايىندىق جۇيەسىندەگى مىندەتتەر جەلىسىن كەڭەيتۋ ءۇشىن قازاقستان ساپەرلەردىڭ، اسكەري مەديتسينا قىزمەتكەرلەرىنىڭ، بارلاۋ جانە اسكەري پوليتسيانىڭ ارنايى بولىمشەلەرىن ۇسىندى. بۇل بولىمشەلەر قازىرگى بىتىمگەرشىلىك وپەراتسيالارىندا بارىنشا سۇرانىسقا يە، - دەدى پرەزيدەنت. جوعارعى باس قولباسشى بىتىمگەرشىلىك دايارلىق وقۋ ورتالىعى مۇنداي مامانداردى جوعارى دەڭگەيدە دايىندايتىنىنا توقتالدى.

قاسىم-جومارت توقايەۆ وقۋ- جاتتىعۋ جيىنى بارىسىندا اسكەري قىزمەتكەرلەردىڭ كورسەتكەن كاسىبي بىلىكتىلىگىن اتاپ ءوتىپ، قازاقستاندىق بىتىمگەرلەرگە ءمىنسىز جۇمىستارى ءۇشىن العىس ءبىلدىردى. مەملەكەت باسشىسى بەيبىت ومىردە ۇلكەن مىندەتتەردى اتقارىپ وتىرعان اسكەردىڭ ايرىقشا رولىنە نازار اۋداردى.

سوڭعى جاڭالىقتار