قازاقستان كومانداسى حالىقارالىق ماتەماتيكالىق وليمپيادادا جۇلدەلى بولدى

IMO 2020 جارىسىنا الەمنىڭ 100 دەن استام ەلىنەن جوعارى سىنىپ وقۋشىلارى قاتىستى. قازاقستاندىق كوماندانىڭ قۇرامىندا 6 ادام بولدى.

«وليمپيادا پروكتورينگ جۇيەسى ارقىلى ءوتتى. جارىس بۇگىن رەسمي تۇردە اياقتالادى. قازاقستاننىڭ كوماندالىق ناتيجەلەرى وتكەن جىلمەن سالىستىرعاندا ايتارلىقتاي جاقساردى. التىن مەدال جەڭىپ الۋعا ءبىر عانا ۇپاي جەتپەدى. نەگىزىنەن ءبىزدىڭ بالالارىمىز وتە مىقتى. ءار بالا ءوز الدىنا قويعان ماقساتىنا جەتە الادى. وسى رەتتە بالالارعا قولداۋ كورسەتۋ ماڭىزدى. اتا- انالار مەن پەداگوگتەرگە بىرلەسكەن ەڭبەگى ءۇشىن العىس ايتامىن»، - دەدى قۇراما كوماندانىڭ تالىمگەرى قانات ساتىلحانوۆ.

ەل نامىسىن قورعاعان كوماندا قۇرامىنا تاير ساتۋبالدين (الماتى)، تاميرلان بەكتەمىسوۆ (الماتى)، نۇرتاس شىنتاس (الماتى)، يۋري تەن (الماتى )، دانات دۇيسەنبەكوۆ (نۇر-سۇلتان ) جانە فەتۋللاح سام (نۇر-سۇلتان) كىردى.

اۆتور: رۋسلان عابباسوۆ