قۇس ەتى مەن جۇمىرتقا باعاسىنىڭ وسۋىنە جول بەرمەۋ قاجەت - قۇمار اقساقالوۆ
ياعني قۇس تۇماۋىنا بايلانىستى ءونىمنىڭ بۇل تۇرلەرىن قىمباتتاتۋعا نەگىز جوق، دەپ حابارلايدى قازاقپارات ءتىلشىسى.
س ق و اكىمى قۇمار اقساقالوۆ الەۋمەتتىك جەلىدەگى پاراقشاسىندا وڭىردە قۇس تۇماۋىنا بايلانىستى اتقارىلىپ جاتقان جۇمىستار جايىندا جازدى. ءوڭىر باسشىسىنىڭ ايتۋىنشا، قازىر 7 اۋدانداعى 11 ەلدىمەكەن كارانتينگە جابىلعان.
بۇل تىزىمگە تاعى 6 اۋىل قوسىلادى. شۇعىل شتاب جۇمىس ىستەپ جاتىر. اۋرۋ وشاقتارى تابىلعان اۋماقتاردا دەزينفەكتسيا جاسالۋدا.
رەسپۋبليكالىق ارنايى جاساق ولگەن قۇستاردى جويۋمەن اينالىسۋدا. ءۇي قۇستارىنا ەكپە ەگىلە باستادى. وبلىسقا 873 مىڭ دوزا وتاندىق ۆاكتسينا ءبولىندى.
«قۇس تۇماۋىنان ولگەن ءۇي قۇستارىنىڭ يەلەرىنە اقشالاي وتەماقى تولەنەدى. بۇل جۇمىسپەن ارنايى قۇرىلعان كوميسسيا اينالىسۋدا. سونداي-اق، قۇس شارۋاشىلىعىنداعى جۇمىس ورىندارىن ساقتاپ قالىپ، جۇمىرتقا مەن قۇس ەتىنىڭ باعاسىنىڭ وسۋىنە جول بەرمەۋ قاجەت. قۇس فابريكالارىندا جۇمىرتقانىڭ قاجەتتى قورى بار»، - دەپ جازدى ءوڭىر باسشىسى قۇمار اقساقالوۆ.
سونداي-اق وبلىس اكىمى قۇس وسىرۋشىلەرگە قۇلاققاعىس جاساپ، ءۇي قۇستارىن وزەن-كولدەرگە شىعارماۋعا، قاز-ۇيرەكتەردى جابىق جەردە ۇستاۋعا كەڭەس بەردى.