دەمالىس كۇندەرى جۇمىسى رۇقسات ەتىلگەن نىساندار قانداي؟

None
None
نۇر-سۇلتان. قازاقپارات - ق ر د س م تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ جۇقپالى اۋرۋلاردى ەپيدەميولوگيالىق قاداعالاۋ باسقارما باسشىسى روزا قوجاپوۆا دەمالىس كۇندەرى جۇمىسى شەكتەلگەن جانە رۇقسات ەتىلگەن نىساندار تۋرالى ايتتى، دەپ حابارلايدى قازاقپارات ءتىلشىسى.

«دەمالىس جانە مەرەكە كۇندەرىندەگى شەكتەۋ شارالارىنا توقتالساق، ساۋدا ۇيلەرى، ساۋدا ويىن-ساۋىق ورتالىقتارىنىڭ جۇمىسىن توقتاتا تۇرۋ بۇرىنعىسىنشا ساقتالادى. ودان باسقا، جابىق ازىق-تۇلىك جانە ازىق-تۇلىك ەمەس بازارلارىنىڭ جۇمىسىن توقتاتا تۇرۋ بويىنشا شەكتەۋ شارالارى دا ساقتالادى»، - دەدى ر. قوجاپوۆا ورتالىق كوممۋنيكاتسيالار قىزمەتىندە.

بۇدان بولەك ول دەمالىس جانە مەرەكە كۇندەرى جۇمىسى رۇقسات ەتىلگەن نىساندارعا توقتالدى.

وسى ورايدا سۇلۋلىق سالوندارىنا، شاشتارازدارعا، كوسمەتولوگيا قىزمەتىن كورسەتەتىن نىساندارعا، فيتنەس جانە سپورتتىق ساۋىقتىرۋ ورىندارىنا، باسسەيندەرگە، ترەناجەر زالدارىنا، سپورت كەشەندەرىنە، ساۋنالارعا قاتىستى شەكتەۋلەر الىندى. سونىمەن قاتار، ءدىني نىساندارعا جۇمىس ىستەۋگە رۇقسات ەتىلدى.

بۇدان بۇرىن حابارلانعانداي، روزا قوجاپوۆا ق ر باس مەملەكەتتىك سانيتاريالىق دارىگەرىنىڭ 53№ قاۋلىسىنا تۇسىنىك بەردى.

سوڭعى جاڭالىقتار