+7 (701) 759 90 19
6 °С : نۇر-سۇلتان
-1 °С : الماتى
USD 427.91 EUR 506.9
RUB 5.6 CNY 64.17
جاڭالىقتار

نۇرسۇلتان نازاربايەۆ اقتاۋدا حالىقارالىق تۋريستىك حابتىڭ تانىستىرىلىمىنا قاتىستى

18 قىركۇيەك 22:44
:ءبولىسۋ
نۇرسۇلتان نازاربايەۆ اقتاۋدا حالىقارالىق تۋريستىك حابتىڭ تانىستىرىلىمىنا قاتىستى

اقتاۋ. قازاقپارات - ماڭعىستاۋ وبلىسىنا جۇمىس ساپارى اياسىندا قازاقستاننىڭ تۇڭعىش پرەزيدەنتىنە كاسپي تەڭىزىنىڭ جاعالاۋىنداعى تۋريستىك حابتى دامىتۋ جوباسى تانىستىرىلدى، دەپ جازادى Elbasy.kz.

كەزدەسۋدە ەلباسى وتاندىق تۋريزم يندۋسترياسىن دامىتۋدىڭ ماڭىزدىلىعىنا توقتالدى. سونداي-اق قازاقستاننىڭ بىرەگەي تابيعاتىمەن قاتار قاسيەتتى جەرلەرى، مادەني جانە تاريحي ورىندارى، ۇلى جىبەك جولىنىڭ بويىنداعى نىساندارى، ارحەولوگيالىق ەسكەرتكىشتەرى بار ەكەنىن ايتا كەلە، ەلىمىزدە دەمالىستىڭ كەز كەلگەن ءتۇرىن دامىتۋعا مۇمكىندىك بار ەكەنىن اتاپ ءوتتى.

- تۋريزمدى دامىتۋدىڭ مەملەكەتتىك باعدارلاماسى اياسىندا تۋريستىك الەۋەتكە تالداۋ جاسالىپ، ماڭىزدى نىساندار مەن وڭىرلەر انىقتالدى. ىرىكتەۋ كەزىندە ولاردىڭ تۋريستىك تارتىمدىلىعىنا باسىمدىق بەرىلدى. ۇزدىك وڭىرلەر قاتارىنا الاكول، بالقاش كولدەرى، شۋچينسك-بۋراباي كۋرورتتىق ايماعى، تۇركىستانمەن بىرگە ماڭعىستاۋ دا ەندى، - دەدى نۇرسۇلتان نازاربايەۆ.

كاسپي تەڭىزىنىڭ جاعاسىندا العاش رەت بارلىق قىزمەت ءتۇرى قامتىلعان وتباسىلىق دەمالىس كەشەنىنىڭ قۇرىلىسىنا شەتەلدىك ينۆەستور تارتۋ ايماق ءۇشىن ماڭىزدى وقيعاعا اينالدى. جيىندا «Rixos» قوناق ءۇي جەلىسىنىڭ باسقارما ءتوراعاسى ف. تاميندجە بەس جۇلدىزدى ليۋكس كلاسىنداعى «Rixos Water World Aktau» قوناق ءۇيىن دامىتۋ جوباسىن تانىستىردى.

سونداي-اق قازاقستاندىق جانە شەتەلدىك ينۆەستورلاردى تارتۋ ارقىلى تۋريستىك كلاستەردى كەڭەيتۋ جوسپارلارىمەن ءبولىستى.

نۇرسۇلتان نازاربايەۆ بۇل كاسپييدە اۋقىمدى حالىقارالىق تۋريستىك حاب قۇرۋ جولىنداعى العاشقى قادام ەكەنىن، الداعى ۋاقىتتا وسىندا قازاقستاندىقتارمەن بىرگە شەتەلدىك قوناقتار دا وتە قولايلى ۋاقىت وتكىزە الاتىنىن اتاپ ءوتتى.

سونىمەن قاتار قازاقستاننىڭ تۇڭعىش پرەزيدەنتى كاسپي جاعالاۋىنداعى كۋرورتتىق ايماقتا جاڭا جۇمىس ورىندارىنىڭ قۇرىلۋى ەرەكشە ماڭىزعا يە ەكەنىن ايتتى. شارا بارىسىندا ءوڭىردىڭ تۋريزم سالاسىن دامىتۋ 50 مىڭعا جۋىق جۇمىس ورنىمەن قامتۋعا مۇمكىندىك بەرەتىنى، سونداي-اق جوبانى ىسكە اسىرۋ ءۇشىن شامامەن 2 ميلليارد دوللار ينۆەستيتسيا تارتىلاتىندىعى اتاپ ءوتىلدى.

- تاۋەلسىزدىك جىلدارى ءبىز ءبىراز شارۋا اتقاردىق. بۇرىن ەشكىم تانىماعان قازاقستان قازىر الەم كارتاسىندا لايىقتى ورىن الىپ وتىر. ءبىز جاڭا ەلوردا سالدىق. بۇگىندە ول باسقا وبلىس ورتالىقتارى مەن وڭىرلەردى دامىتۋدىڭ ۇلگىسىنە اينالدى. مەن بارلىق مۇسىلمانداردىڭ قاسيەتتى مەكەنى - تۇركىستان قالاسىنا بارۋدى جوسپارلاپ وتىرمىن. قازاق حاندىعىنىڭ ەجەلگى استاناسى بولعان شاھار قازىرگى ۋاقىتتا تۇرلەنىپ، تۋريستىك الەۋەتى ارتىپ كەلەدى، - دەدى ەلباسى.

نۇرسۇلتان نازاربايەۆ تۋريزمدى ماقساتتى تۇردە دامىتۋعا باعىتتالعان قادامدار تەك جەكەلەگەن ايماقتاردىڭ عانا ەمەس، بۇكىل رەسپۋبليكانىڭ ەكونوميكاسىنا وڭ سەرپىن بەرەتىنىن اتاپ ءوتتى.

جيىن سوڭىندا قازاقستاننىڭ تۇڭعىش پرەزيدەنتى «Rixos Water World Aktau» قوناق ءۇيى كەشەنىن ارالادى. سونداي-اق ءىس- شاراعا ونلاين-كونفەرەنتسيا فورماتىندا وتاندىق جانە شەتەلدىك ينۆەستورلار قاتىستى.

ولاردىڭ قاتارىندا - ACCOR كومپانياسىنىڭ ەۋروپا، تاياۋ شىعىس جانە افريكا ايماعىنداعى ليۋكس كلاسىنداعى قوناق ۇيلەردى دامىتۋ جونىندەگى ءبىرىنشى ۆيتسە-پرەزيدەنت ف. بودەن، ضG Holding باسقارما ءتوراعاسى و. گيۋر، «BI Group» قۇرىلىس حولدينگى ديرەكتورلار كەڭەسىنىڭ ءتوراعاسى ا. راحىمبايەۆ، «بازيس- ا» كورپوراتسياسى ديرەكتورلار كەڭەسىنىڭ ءتوراعاسى ا. بەلوۆيچ بار.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات