قازاقستاندا تەمەكى قىمباتتايدى

None
None
نۇر-سۇلتان. قازاقپارات - قازاقستاندا تەمەكى ونىمدەرىن ساتۋدىڭ جاڭا شارتتارى 1- قازاننان باستاپ كۇشىنە ەنەدى.

وسىعان بايلانىستى تەمەكى بەلگىلەنگەن مەرزىمىنەن بۇرىن قىمباتتايدى، - دەپ حابارلايدى «حابار 24».

تەلەارنا مالىمەتىنشە، جاڭا تاڭبالاۋ جۇيەسىنە بايلانىستى تەمەكى ونىمدەرى التى پايىزعا قىمباتتايدى. ەگەر قازىر ءبىر قوراپ تەمەكى ورتاشا ەسەپپەن 440 تەڭگە بولسا، 1- قازاننان باستاپ 470 تەڭگە بولادى.

مەملەكەتتىك كىرىستەر كوميتەتىنىڭ وكىلدەرى سيفرلىق تاڭبالاۋ تاۋاردىڭ قاۋىپسىزدىگىن قامتاماسىز ەتەتىنىن، سونداي-اق كونترافاكتىنىڭ قازاقستاندىق نارىققا ەنۋىنە جول بەرمەيتىنىن اتاپ ءوتتى.

سونداي-اق، دەرەككوز مالىمەتىنشە، 2021-جىلدىڭ 1- قاڭتارىنان باستاپ ءبىر قوراپ تەمەكى ورتاشا ەسەپپەن 500 تەڭگە، تاعى جارتى جىلدان كەيىن - 520 تەڭگە بولادى. ال 2023-جىلعا قاراي ونى 600 تەڭگەگە ساتىپ الۋعا بولادى. بۇل تاڭبالاۋمەن ەمەس، اكتسيزدىك ستاۆكانىڭ وسۋىمەن بايلانىستى دەيدى.

سوڭعى جاڭالىقتار