+7 (701) 759 90 19
6 °С : نۇر-سۇلتان
-1 °С : الماتى
USD 427.91 EUR 506.9
RUB 5.6 CNY 64.17
جاڭالىقتار

كوروناۆيرۋسپەن كۇرەس: شەكتەۋلەردەگى وزگەرىستەر مەن باس مەملەكەتتىك سانيتار دارىگەردى تاعايىنداۋ

18 قىركۇيەك 21:42
:ءبولىسۋ
كوروناۆيرۋسپەن كۇرەس: شەكتەۋلەردەگى وزگەرىستەر مەن باس مەملەكەتتىك سانيتار دارىگەردى تاعايىنداۋ

نۇر-سۇلتان. قازاقپارات - بۇگىن ورتالىق كوممۋنيكاتسيالار قىزمەتىندە دەنساۋلىق ساقتاۋ مينيسترلىگى وكىلدەرىنىڭ قاتىسۋىمەن ەلدەگى ەپيدەميولوگيالىق احۋالعا بايلانىستى ءداستۇرلى باسپا ءسوز ءماسليحاتى ءوتتى.

وندا ماماندار ق ر باس مەملەكەتتىك سانيتار دارىگەرىنىڭ قاۋلىسىنا قاتىستى تۇسىنىك بەردى.

قۇجاتقا سايكەس ءتيىستى جەڭىلدىكتەر ەنگىزىلدى. بالالار كابينەتتەرىندە، تۇزەتۋ ورتالىقتارىندا ءبىلىم بەرۋ توپتارى 5 تەن 15 ادامعا دەيىن ۇلعايتىلدى.

مەملەكەتتىك ورگانداردا، ۇلتتىق كومپانيالاردا جانە وزگە دە ۇيىمداردا، سونداي-اق كاسىپكەرلىك سۋبەكتىلەرىندە قىزمەتكەرلەردىڭ كەمىندە 50 پايىزى قاشىقتان جۇمىس ىستەۋ نىسانىندا بولۋى ءتيىس.

بۇدان بولەك، اشىق اۋادا جانە ۇجىمدىق ءىس-شارالاردى وتكىزبەي، زالدا 50 دەن اسپايتىن ورىن سانىمەن قوعامدىق تاماقتانۋ نىساندارىنىڭ جۇمىس ىستەۋىنە رۇقسات بەرىلدى.

ق ر د س م تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ جۇقپالى اۋرۋلاردى ەپيدەميولوگيالىق قاداعالاۋ باسقارماسىنىڭ باسشىسى روزا قوجاپوۆا دەمالىس كۇندەرى جۇمىسى شەكتەلگەن جانە رۇقسات ەتىلگەن نىساندار تۋرالى ايتتى.

«دەمالىس جانە مەرەكە كۇندەرىندەگى شەكتەۋ شارالارىنا توقتالساق، ساۋدا ۇيلەرى، ساۋدا ويىن-ساۋىق ورتالىقتارىنىڭ جۇمىسىن توقتاتا تۇرۋ بۇرىنعىسىنشا ساقتالادى. ودان باسقا، جابىق ازىق-تۇلىك جانە ازىق-تۇلىك ەمەس بازارلارىنىڭ جۇمىسىن توقتاتا تۇرۋ بويىنشا شەكتەۋ شارالارى دا ساقتالادى»، - دەدى ر. قوجاپوۆا.

سونىمەن قاتار ول دەمالىس جانە مەرەكە كۇندەرى جۇمىسى رۇقسات ەتىلگەن نىساندارعا توقتالدى.

وسى ورايدا سۇلۋلىق سالوندارىنا، شاشتارازدارعا، كوسمەتولوگيا قىزمەتىن كورسەتەتىن نىساندارعا، فيتنەس جانە سپورتتىق ساۋىقتىرۋ ورىندارىنا، باسسەيندەرگە، ترەناجەر زالدارىنا، سپورت كەشەندەرىنە، ساۋنالارعا قاتىستى شەكتەۋلەر الىندى. مۇنىمەن قوسا، ءدىني نىساندارعا جۇمىس ىستەۋگە رۇقسات ەتىلدى. ايتا كەتەيىك، ەلدەردىڭ ساناتى جانە اۋە رەيستەرىمەن كەلەتىن جولاۋشىلارعا قاتىستى تۇسىنىك بەرىلدى.

«اۋە رەيستەرى بويىنشا وزگەرىستەر ەنگىزىلدى. ەندى ءبىرىنشى ساناتقا 12 ەل ەنگىزىلدى. ولاردىڭ قاتارىندا ق ح ر، تايلاند، موڭعوليا، مالايزيا، مىسىر، گونكونگ، وڭتۇستىك كورەيا، جاپونيا، سينگاپۋر، گەرمانيا، بەلارۋس، ازەربايجان بار. وسى ەلدەردەن كەلگەن جولاۋشىلار تەرمومەتريا مەن ساۋالنامادان وتەدى»، - دەدى ر. قوجاپوۆا.

ەكىنشى ساناتقا 21 ەل ەنگىزىلدى. وسى ەلدەردەن ساپارلاپ كەلگەندەر تەرمومەتريا مەن انكەتالاۋدان بولەك، پ ت ر ادىسىمەن زەرتحانالىق تەكسەرۋدىڭ تەرىس ناتيجەسى بار COVID-19 عا تەكسەرىلگەنى تۋرالى انىقتاما ۇسىنۋى كەرەك. ادامدارعا كوروناۆيرۋستىڭ قايتا جۇعۋى تىركەلمەدى «قازاقستاندا كوروناۆيرۋس ينفەكتسياسىن قايتا جۇقتىرۋ جاعدايلارى تىركەلمەدى. بۇل جاڭا ينفەكتسيا بولعاندىقتان، ونىڭ قايتادان جۇعۋى مۇمكىندىگى تۋرالى ناقتى ايتا المايمىز. وكىنىشكە قاراي، بۇل سۇراققا ەشبىر ەلدە ناقتى جاۋاپ بەرىلمەي وتىر. وسى ورايدا كوروناۆيرۋسپەن اۋىرعان ادام ۇزاق باقىلاۋدا بولعان كەزدە عانا انىقتالۋى ىقتيمال»، - دەپ ءتۇسىندىردى ر. قوجاپوۆا.

مينيسترلىك وكىلدەرى كۇندىزگى ءداستۇرلى وقىتۋ تارتىبىنە قاتىستى قازىر ناقتى جاۋاپ ايتا المايتىندارىن جەتكىزدى. ماۋسىم ايىندا بارلىق شەكتەۋلەر الىنعان كەزدە ىندەتكە شالدىعۋ دەڭگەيى وسكەنىن جاقسى بىلەمىز. وسى ورايدا كۇن سايىن ىندەتكە قاتىستى احۋالعا مونيتورينگ جاسالۋدا. ايتا كەتەيىك، مەكتەپتەردەگى كەزەكشى سىنىپتاردا بالالار اراسىندا ىندەت جۇقتىرۋ جاعدايى تىركەلمەگەن.

«وقۋ جىلى باستالعالى مۇعالىمدەر مەن وقۋشىلار اراسىندا ىندەتتىڭ تارالۋى بايقالمادى. ەكىنشى توقساندا وقىتۋدىڭ قاشىقتان بولۋى مۇمكىندىگىنە قاتىستى ناقتى ايتا المايمىز. بۇل جايىندا وقۋ جىلىنىڭ ەكىنشى توقسانى جاقىنداعان كەزدە عانا شەشەمىز»، - دەدى باسقارما باسشىسى.

بۇدان بولەك، ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ كاۆاساكيگە ۇقساس سيندروممەن اۋىرعان بالالاردىڭ سانى قازاقستان بويىنشا 35 كە جەتكەنىن ايتتى.

«ال، سوڭعى 7 كۇننىڭ ىشىندە بىردە-بىردە ءبىر بالادا كاۆاساكي سيندرومى انىقتالعان جوق. 35 بالانىڭ 31 ءى امان-ەسەن ەمدەلىپ، ۇيلەرىنە قايتتى. قالعان 4 بالا قازىرگى ۋاقىتتا ەم الىپ جاتىر»، - دەدى رەسمي وكىل.

ەمدەلىپ شىققان 31 بالا ۋچاسكەلىك دارىگەرلەردىڭ باقىلاۋىنا الىنعان. الەكسەي سويدىڭ د د س ۇ ەۋروپالىق وڭىرلىك كوميتەتىندەگى ءتوراعالىعى جاقىندا ق ر دەنساۋلىق ساقتاۋ ءمينيسترى الەكسەي سوي د د س ۇ ەۋروپالىق وڭىرلىك كوميتەتىنىڭ 70-سەسسياسىنىڭ ءتوراعاسى بولىپ سايلاندى.

«الەكسەي سويدىڭ ءتوراعا بولىپ سايلانۋىنا توقتالساق، ول جوعارى مارتەبە بولىپ سانالادى. داۋىس بەرۋ ءتارتىبى قۇپيا ءوتتى. بۇل ءوز كەزەگىندە ءمينيستردىڭ ەۋروپا مەن ازيا وڭىرىندەگى ارىپتەستەرى اراسىندا ايتارلىقتاي جوعارى بەدەلگە يە ەكەنىن بىلدىرەدى... قازاقستان ەمدەۋدىڭ جاڭا ادىستەرىنىڭ كوزى بولۋى مۇمكىن، سونداي-اق مەديتسينا سالاسىندا يننوۆاتسيالىق شەشىمدەردىڭ الدىنا شىعۋى ىقتيمال»، - دەدى رەسمي وكىل.

سونىمەن قاتار ول ەلىمىزدە حالىقارالىق دەڭگەيدەگى ءتۇرلى كەڭەستەر مەن كەزدەسۋلەر وتەتىنىن اتاپ ءوتتى.

مۇنىمەن قوسا ب. قوجاحمەتوۆ ەلىمىزدە ق ر باس مەملەكەتتىك سانيتار دارىگەرى نەگە اۋىسقانىن ءتۇسىندىردى.

«بۇل قادام باس سانيتار دارىگەرىنىڭ مارتەبەسىن كوتەرۋ ماقساتىندا جاسالعانىن اتاپ وتكەن ءجون. وزدەرىڭىز بىلەسىزدەر، ەندى باس سانيتار دارىگەر ۆيتسە-مينيستر لاۋازىمىن دا قوسا اتقارادى. وسى شارالار بۇل سالاعا ەرەكشە نازار اۋدارۋعا جانە قازاقستاندا سانيتارلار مەن ەپيدەميولوگتاردىڭ جۇمىسىن جاقسارتۋعا ىقپال ەتەدى»، - دەدى ول.

ايتا كەتەيىك، وسى اپتادا ق ر ۇكىمەتىنىڭ قاۋلىسىمەن ەرلان اڭساعان ۇلى قياسوۆ ق ر دەنساۋلىق ساقتاۋ ۆيتسە-ءمينيسترى - ق ر باس مەملەكەتتىك سانيتار دارىگەرى لاۋازىمىنا تاعايىندالدى. بۇعان دەيىن اتالعان باس مەملەكەتتىك سانيتار دارىگەرى قىزمەتىن ايجان ەسماعامبەتوۆا اتقارعان ەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات