ەلوردادا زاڭسىز پاتەر ساتقان قۇرىلىس كومپانيالارى جاۋاپقا تارتىلدى

None
None
نۇر- سۇلتان. قازاقپارات- نۇر- سۇلتاندا پاتەرلەردى زاڭسىز ساتقان قۇرىلىس كومپانيالارى جاۋاپقا تارتىلدى.

بۇل تۋرالى قالالىق ورتا ساپاسى جانە باقىلاۋ باسقارماسى باسشىسىنىڭ ورىنباسارى ەرلان بەردالين ءمالىم ەتتى، دەپ حابارلايدى قازاقپارات ءتىلشىسى.

«نۇر- سۇلتان قالاسىندا جىل باسىنان بەرى پاتەرلەردى زاڭسىز ساتقان 16 قۇرىلىس كومپانياسىنا قاتىستى اكىمشىلىك ءىس قوزعالدى. ولار باسپانالى بولعىسى كەلگەن ۇلەسكەرلەردىڭ اقشاسىن زاڭسىز تارتىپ، ءتىپتى سالىنىپ بىتپەگەن پاتەرلەردى ساتقان. سونداي- اق، اتالعان باسقارما باسشىسىنىڭ ورىنباسارى زاڭسىز پاتەر ساتۋمەن اينالىسقان قۇرىلىس كومپانيالاردىڭ ءتىزىمىن اتادى. بۇگىندە زاڭبۇزۋشىلىققا جول بەرگەن قۇرىلىس كومپانيالاردىڭ ۇستىنەن قوزعالعان ارىز- تالاپتار سوتقا جولداندى. ناتيجەسىندە،

«Шанг Хи Групп» ЖШС, «ExpoNewLife» ТК, «Roztal» ЖШС, «Family Park» ТК, «Mainstreet» ЖШС

جانە «پارۋس» ت ك پاتەرلەردى زاڭسىز ساتقاندىعى انىقتالدى» - دەيدى ول.

ونىڭ ايتۋىنشا، جوعارىدا اتالعان كومپانيالارعا قاتىستى تەرگەۋ شارالارى ءالى دە جالعاسۋدا. «پاتەرلەردى زاڭسىز ساتۋدى بولدىرماۋ ماقساتىنداعى شارالاردى الداعى ۋاقىتتا جۇيەلى تۇردە جۇرگىزەتىن بولامىز»، - دەپ تولىقتىردى ە. بەردالين.

اۆتور: ءالي يبرايەۆ


سوڭعى جاڭالىقتار