الەمدى اۋزىنا قاراتقان قىتايداعى «جاسىل ۇيدەن» تۇرعىندار نە سەبەپتى بەزىپ جاتىر

ۇيدەن بەزگەن تۇرعىندار وندا تۇرۋ مۇمكىن ەمەستىگىن ايتۋدا. بۇل تۋرالى KAZ. NUR. KZ پورتالى vinegred.ru سايتىنا سىلتەمە جاساپ حابارلايدى.

«تىك ورمان» دەپ اتالاتىن جوبا جوسپار بويىنشا ەرەكشە سۇرانىسقا يە بولۋى ءتيىس ەدى. الايدا ءۇي ادامدار اراسىندا ەمەس، ماسالار اراسىندا جوعارى سۇرانىسقا يە بولعان.

جوبا اگەنتىنىڭ ايتۋىنشا، بارلىق 826 پاتەر وسى جىلدىڭ ساۋىرىندە ساتىلىپ كەتكەن. الايدا ءۇي قاڭىراپ بوس جاتىر. «ەكو- جۇماققا» اينالۋى ءتيىس بولعان عيمارات «اقىرزامان فيلمدەرىنەن» ءۇزىندىنى ەسكە سالادى.

تۇرعىندار «تەڭدەسسىز» جاسىل ءۇي توڭىرەگىندە شۋ شىعارۋدا. سەبەبى، ونداعى وسىمدىكتەر وڭىردەگى ماسا مەن جاندىكتەردىڭ ءبارىن وزىنە جيناپ العان.

جاندىكتەردەن مەزى بولعان ءۇيدىڭ جاڭا يەلەرى ول جەردەن مۇلدە كوشىپ كەتىپتى. تەك ون شاقتى وتباسى عانا ماسالارمەن كورشىلەس تۇرۋعا قارسى بولماعان.

Chengdu’s Qiyi City Forest Garden دەپ اتالاتىن تۇرعىن ۇيلەر قىتايدىڭ چىڭدۋ قالاسىندا 2018 -جىلى بوي كوتەرگەن.

8 مۇنارادان قۇرالعان ءۇي قاڭىراپ قالعانى سونشالىق، بۇگىندە ونىڭ قىلتيمالارىن تولىقتاي وسىمدىك باسىپ كەتكەن.

مەملەكەتتىك Global Times باسىلىمىنىڭ مالىمەتىنە سايكەس، بۇگىندە قاڭىراعان ۇيدە شامامەن نەبارى 10 وتباسى تۇرىپ جاتىر.

فوتو: EPA