مەديتسينا قىزمەتكەرلەرى الەۋمەتتىك تولەم الدى

None
None
نۇر-سۇلتان. قازاقپارات - COVID-19-بەن كۇرەسۋگە تارتىلعان 1646 مەديتسينا قىزمەتكەرى كوروناۆيرۋس ينفەكسياسىن نەمەسە ۆيرۋستىق پنەۆمونيانى جۇقتىرعانى ءۇشىن مەملەكەتتىك الەۋمەتتىك ساقتاندىرۋ قورىنان (بۇدان ءارى - م ءا س ق) ءبىرجولعى الەۋمەتتىك تولەم الدى.

سونداي-اق، م ءا س ق اۋرۋدىڭ سالدارىنان قايتىس بولعان 22 مەديتسينا قىزمەتكەرىنىڭ تۋىستارىنا تولەمدەر اۋداردى، دەپ حابارلايدى قازاقپارات ءتىلشىسى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

بۇدان بۇرىن حابارلانعانداي، جوعارىدا اتالعان تولەم تولەنەتىن مەديتسينا قىزمەتكەرلەرىن وڭىرلەردىڭ جانە رەسپۋبليكالىق ماڭىزى بار قالالاردىڭ دەنساۋلىق ساقتاۋ باسقارمالارى جانىنداعى ارنايى كوميسسيالار اۋىرعان مەديتسينا قىزمەتكەرلەرىن تەكسەرۋ ناتيجەلەرى نەگىزىندە انىقتايدى. وتىنىمدەردىڭ جيناقتاۋدى ق ر دەنساۋلىق ساقتاۋ مينيسترلىگى جۇزەگە اسىرادى، ودان كەيىن وتىنىمدەر ەلەكتروندىق ءىس ماكەتتەرىن قالىپتاستىرۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- قا بەرىلەدى، كەيىن تولەم تاعايىنداۋ ءۇشىن م ءا س ق- عا جىبەرىلەدى.

«18-قىركۇيەك ساعات 9:00-دەگى جاعداي بويىنشا م ءا س ق COVID-19 نەمەسە ۆيرۋستىق پنەۆمونيا جۇقتىرعان 1646 مەديتسينا قىزمەتكەرىنىڭ ءوتىنىشى بويىنشا جانە اۋرۋدىڭ سالدارىنان قايتىس بولعان 22 مەديتسينا قىزمەتكەرىنىڭ ءوتىنىشى بويىنشا قاراجاتتى تاعايىنداۋ مەن تولەۋدى جۇزەگە اسىردى»، - دەلىنگەن حابارلامادا.

وڭىرلەر بولىنىسىندە مەديتسينا قىزمەتكەرلەرىنە COVID-19 نەمەسە ۆيرۋستىق پنەۆمونيانى جۇقتىرۋ جاعدايىنا تولەمدەردىڭ ەڭ كوپ سانى الماتى (369) جانە نۇر-سۇلتان (340)، شىمكەنت (100) قالالارى، قاراعاندى (113) جانە اقمولا (107) وبلىستارى بويىنشا جۇرگىزىلدى.

ەستەرىڭىزگە سالا كەتەيىك، ق ر ەڭبەك جانە حالىقتى الەۋمەتتىك قورعاۋ ءمينيسترى مەن ق ر دەنساۋلىق ساقتاۋ ءمينيسترىنىڭ 9-ساۋىردەگى «دەنساۋلىق ساقتاۋ ۇيىمدارىنىڭ COVID-19 كوروناۆيرۋستىق ينفەكسياسىنا قارسى كۇرەس جونىندەگى ەپيدەمياعا قارسى ءىس- شارالارعا تارتىلعان قىزمەتكەرلەرى اتالعان ينفەكسيانى جۇقتىرعان نەمەسە ودان قايتىس بولعان جاعدايدا ولارعا ءبىرجولعى الەۋمەتتىك تولەمدى جۇزەگە اسىرۋ قاعيدالارىن بەكىتۋ تۋرالى» بىرلەسكەن بۇيرىعىنا اعىمداعى جىلدىڭ 22-شىلدەسىندە ەنگىزىلگەن وزگەرىستەرگە سايكەس جوعارىدا كورسەتىلگەن تولەم:

- كوروناۆيرۋستىق ينفەكسيا نەمەسە ۆيرۋستىق پنەۆمونيا جۇقتىرعان مەديتسينا قىزمەتكەرلەرىنە - 2 ميلليون تەڭگە؛

- COVID-19 كوروناۆيرۋستىق ينفەكسياسىن جۇقتىرعاننان، ۆيرۋستىق پنەۆمونيامەن اۋىرىپ قايتىس بولعان جاعدايدا ولاردىڭ وتباسىنا - 10 ميلليون تەڭگە كولەمىندە تولەنەدى.


سوڭعى جاڭالىقتار