قورعاس ساۋدا جانە ينتەگراتسيا مينيسترلىگىنىڭ قۇزىرەتىنە بەرىلەتىن بولدى
بۇل شەشىم تۋرالى قاۋلى جوباسى «اشىق ن ق ا» پورتالىندا جاريالاندى، دەپ حابارلايدى قازاقپارات ءتىلشىسى. زاڭنامادا بەلگىلەنگەن تارتىپپەن قازىرگى ۋاقىتتا حالىقارالىق ورتالىق الماتى وبلىسىنىڭ اكىمدىگىنە قارايدى.
«قورعاس» شەكارا ماڭى ىنتىماقتاستىعى حالىقارالىق ورتالىعى» ارنايى ەكونوميكالىق اۋماعىن باسقارۋشى كومپانياسى» ا ق اكسيالارىنىڭ 100 پايىز مولشەرىندەگى پاكەتى كوممۋنالدىق مەنشىكتەن رەسپۋبليكالىق مەنشىككە بەرىلمەك.
«ق ر قارجى مينيسترلىگىنىڭ مەملەكەتتىك مۇلىك جانە جەكەشەلەندىرۋ كوميتەتى ق ر ساۋدا جانە ينتەگراتسيا مينيسترلىگىمەن بىرلەسىپ، زاڭنامادا بەلگىلەنگەن تارتىپپەن وسى قاۋلىدان تۋىندايتىن قاجەتتى شارالاردى قابىلداسىن. ۇكىمەتتىڭ كەيبىر شەشىمدەرىنە ەنگىزىلەتىن وزگەرىس پەن تولىقتىرۋلار بەكىتىلسىن»، - دەلىنگەن قۇجاتتا.
ءوز تاراپىنان ساۋدا جانە ينتەگراتسيا مينيسترلىگى «قورعاس» ش ى ح و» ارنايى ەكونوميكالىق اۋماعىنا بايلانىستى تۇسىندىرمە جازبا جاريالادى. مينيسترلىكىڭ حابارلاۋىنشا وسى شەشىم ارقىلى قازاقستاندىق ەكسپورتتى ىلگەرىلەتۋ ءۇشىن جاعداي جاساۋ جانە ق ر مەن ق ح ر اراسىنداعى شەكارا ماڭىنداعى ساۋدا كولەمىن ارتتىرۋ كوزدەلىپ وتىر. وسى ماقساتتا «قورعاس» ش ى ح و م ك ا ە ا» ا ق اكسيالاردىڭ مەملەكەتتىك پاكەتىنە يەلىك ەتۋ جانە پايدالانۋ قۇقىقتارىن ق ر ساۋدا جانە ينتەگراتسيا مينيسترلىگىنىڭ قۇزىرىنا بەرۋ قاراستىرىلعان.
اۆتور: ايان بەكەن ۇلى