جىلى جاققا ۇشاتىن قۇستاردىڭ باعىتى بويىنشا قۇس تۇماۋىنا قارسى ەكپە جاسالادى

None
None
نۇر- سۇلتان. قازاقپارات - جوعارى پاتوگەندى قۇس تۇماۋىنا قارسى ۆاكتسيناتسيا قۇس فابريكالارىنان 20 شاقىرىم راديۋستا جانە جابايى قۇستاردىڭ ۇشۋ باعىتى بويىنشا جۇرگىزىلەدى دەپ حابارلايدى قازاقپارات.

قۇس تۇماۋى قوزدىرعىشىن رەسپۋبليكانىڭ باسقا وڭىرلەرىنە تاراپ كەتۋ قاۋپىن بولدىرماۋ ءۇشىن ق ر ا ش م ۆەتەريناريالىق قاداعالاۋ جانە باقىلاۋ كوميتەتى قوستاناي، سولتۇستىك قازاقستان جانە پاۆلودار وبلىستارىنىڭ ر ف شەكارالاس اۋداندارىندا، سونداي- اق اقمولا وبلىسىنىڭ كەيبىر اۋداندارىندا ۆاكتسيناتسيالاۋدى باستاۋ تۋرالى شەشىم قابىلدادى. سونىمەن قاتار، قۇس تۇماۋىنا قارسى كۇرەس ستراتەگياسىنا سايكەس جۇمىس ىستەپ تۇرعان قۇس فابريكالارىنان 20 ك م راديۋستا جانە جابايى قۇستاردىڭ ۇشۋ باعىتى بويىنشا جەكە اۋلالاردا ءۇي قۇستارىن ۆاكتسيناتسيالاۋ كوزدەلگەن. ايتا كەتۋ كەرەك، سولتۇستىك قازاقستان وبلىسىنىڭ قۇس فابريكالارىندا قۇس ءولىمى فاكتىلەرى تىركەلگەن جوق. بۇعان دەيىن حابارلانعانداي، جوعارى پاتوگەندى قۇس تۇماۋىنىڭ تارالۋىنا قارسى سولتۇستىك قازاقستان وبلىسىندا: قۇستاردىڭ ولەكسەلەرىن جويۋ، ءۇي- جايلار مەن اۋلا اۋماقتارىن زالالسىزداندىرۋ جۇمىستارى جۇرگىزىلۋدە. سونداي- اق، وڭىرگە قۇستاردى ۆاكتسيناتسيالاۋ ءۇشىن جوعارى پاتوگەندى قۇس تۇماۋىنا قارسى وتاندىق 873 مىڭ پرەپارات ءبولىندى.

ەلىمىزدە بۇگىننەن باستاپ سولتۇستىك قازاقستان وبلىسىنىڭ تيميريازيەۆ، تايىنشا، جامبىل، قىزىلجار، شال اقىن، ع. مۇسىرەپوۆ، م. جۇمابايەۆ اۋدانىنان ءتىرى قۇس جانە ينكۋباتسيالىق جۇمىرتقا، مامىق پەن قاۋىرسىن، قۇس ەتى مەن قۇس شارۋاشىلىعى ونىمدەرىنىڭ بارلىق تۇرلەرىن، قۇستارعا ارنالعان جەمشوپ پەن جەمشوپ قوسپالارىن، سونداي- اق بۇرىن پايدالانۋدا بولعان قۇستاردى كۇتىپ- باعۋعا، سويۋعا جانە مۇشەلەۋگە ارنالعان جابدىقتاردى شىعارۋعا ۋاقىتشا شەكتەۋلەر ەنگىزىلدى. ق ر اۋىل شارۋاشىلىعى ۆيتسە- ءمينيسترى گۇلميرا يسايەۆا ق ر ا ش م ۆەتەريناريالىق باقىلاۋ جانە قاداعالاۋ كوميتەتىنىڭ رەسپۋبليكالىق ەپيزووتياعا قارسى جاساق ولگەن ءۇي قۇستارىنىڭ يەلەرىنە كەلتىرىلگەن شىعىن قۇنىن ورتاشا ايلىق نارىقتىق باعا نەگىزىندە تولەيتىنىن، باعانى سولتۇستىك قازاقستان وبلىسى اكىمدىگى جانىنداعى ارنايى كوميسسيا انىقتايتىنىن مالىمدەدى. وتەماقى الۋ ءۇشىن ولگەن ءۇي جاناۋارلارىنىڭ يەلەرى ءوتىنىش بەرۋى كەرەك. اقشالاي قاراجات كارتاعا اۋدارىلادى. بۇل رەتتە، زارداپ شەككەن جانۋارلاردىڭ ولەكسەلەرىنە كوميسسيالىق اكتى جاسالىپ، رەسمي تۇردە تىركەلۋى قاجەت. ەسكە سالا كەتەيىك، ءبىز بۇعان دەيىن س ق و- نىڭ 7 اۋدانىندا قۇس تۇماۋىنىڭ وشاعى انىقتالعانىن، قۇس تۇماۋىنىڭ بەلەڭ الۋىنا بايلانىستى 10 ەلدىمەكەننىڭ كارانتينگە جابىلعانىن ايتقان ەدىك. وسىعان بايلانىستى س ق و- دا ءۇي قۇستارىنا قۇس تۇماۋىنا قارسى ۆاكتسينا ەگىلەتىن بولدى. سونداي- اق اۋىل شارۋاشىلىعى مينيسترلىگى س ق و- دا قۇس تۇماۋىنان قىرىلعان ءۇي جانۋارلارى ءۇشىن وتەماقى تولەنەتىنىن حابارلادى.


سوڭعى جاڭالىقتار